18 Brujacuna huañunami can.
Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.
Paicunaca cancunapac llactamanta ñuca cancunata llucchishpa cachashpa, huañuchichunmi chashna llullashpa huillan.
Chaimanta huillaccunatapish, yachaccunatapish, muscuccunatapish, brujocunatapish, huañushcata cayaccunatapish ama cazunguichicchu. Paicunaca: Babilonia llactata jatun mandactaca mana servinachu canguichic ninmi.
Ama animalcunahuan chayaringuichu. Huarmipish ama imapish cari animalhuan chayaringuichu. Shina ruhuashpaca, yalli millaitami ruhuangui.
Imatapish ama yahuarndi micunguichu. Brujo canatapish, adivino canatapish ama munanguichicchu.
Huañushcapac almacunamanpish, adivinacmanpish ama tapunguichicchu. Chaiman rishpaca mapayanguichicmi. Ñucami cancunata Mandac Dios cani.
Cari cashpa, huarmi cashpa huañushcapac almahuan parlac, adivino tucucca, ishcaitac rumihuan shitashpa huañuchishcami canga. Paicunaca mana allita ruhuashcamantami huañuchishca canga” ninmi ningui» nirca.
Maijanpish brujocunata, adivinocunata catishpa huainayac runataca piñarishpami israelpuramanta anchuchisha.
Shinallatac maijan brujocunapish brujianata yachachic librocunatami tucui gentecunapac ñaupapi rupachingapac apamurca. Chai tucui librocunaca pichca chunga huaranga dracma cullqui valicmi cashca carca.
ruhuashcalla dioscunata adoraccunami, brujocunami, pitapish mana allichu nishpa piñaccunami, macanacuccunami, celaccunami, imamantapish jahualla piñariccunami, piñanacuipi churaccunami, gentecunata chicanyachiccunami, ñucanchiclla cashun niccunami,
Cutin: “¡Huarmihuan chayaric shina animalhuan chayaricca, llaqui tucushca cachun!” nicpica, tucui gentecunami: “¡Chashna cachun!” ninga.
Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.
Samuelca ñami huañushca carca. Tucui israelcunami huacashpa, pai causacushca Ramá pueblollapitac enterrashca carca. Ashtahuanpish Saulca huañushcata mañaccunatapish, adivinocunatapish tucuimi Israel llactamantaca llucchishpa cachashca carca.
Shina nicpimi, chai huarmica: —Riqui, canca Saúl imata ruhuashcataca yachanguimi. Paimi huañushcata mañaccunatapish, adivinocunatapish cai Israel llactamanta llucchishpa cacharca. ¿Ima nishpatac ñucata huañuchichun pandachingapac shamungui?— nirca.
