ÉXODO 22:17 - Dios Rimashcata Quillcashcami

¹⁷ Solterapac taita mama cazarachun munacpica, carihuan manarac chayarishca solteramanta mashnata pagana cashcatami pagana can.

ÉXODO 22:17 Iomraidhean Croise

GÉNESIS 23:16

Chashnami Abrahamca Efronhuan parlanacushpa, Efrón mañashca cullquita Hetpac churicunapac ñaupapi pezashpa pagarca. Randina, catuna cullquipimi chuscu patsac siclos cullquita Efronmanca curca.

GÉNESIS 30:20

Chaimanta Leaca: «Mandac Diosmi sumac caranata cushca. Suctaniqui huahuatami Jacobopacta charini. Chaimantami ñuca cusaca alli ninga» nishpami Zabulonta shutichirca.

GÉNESIS 34:12

Shuc huarmimanta cuna cashcamanta ashtahuan yallitapish cushallami, ima caranatapish cushallami, Dinataca ñucahuan cazarachun cuichicyari— nishpa mañarca.

LEVÍTICO 20:6

Maijanpish brujocunata, adivinocunata catishpa huainayac runataca piñarishpami israelpuramanta anchuchisha.

DEUTERONOMIO 18:10

Cancunapuramanta maijanpish churita, ushita yanga diosman cushpa ama rupachichun. Shinallatac adivino canata, brujo canata, quipa ima tucunata huillac canata,

DEUTERONOMIO 22:29

chai japiric runami pichca chunga cullquita solterapac taitaman pagana can. Shinallatac chai solterataca paipac huarmi cachunmi chasquina can. Chai solterata japirishcamantami tucui causaipi mana shitai pudin.

1 SAMUEL 18:25

Shina huillacpi Saulca: —Davidtaca: “Jatun mandacca ushimanta pagachunca mana munanchu. Ashtahuanpish pai jatun mandacta piñaccuna llaquichishcamanta patsac filisteocunata huañuchishpa paicuna charishca asha aicha carata pitishpa apamuchunmi munan” nigrichic— nirca. Saulca Davidta filisteocuna huañuchichun yuyashpami chashnaca nirca.

1 SAMUEL 28:3

Samuelca ñami huañushca carca. Tucui israelcunami huacashpa, pai causacushca Ramá pueblollapitac enterrashca carca. Ashtahuanpish Saulca huañushcata mañaccunatapish, adivinocunatapish tucuimi Israel llactamantaca llucchishpa cachashca carca.