ÉXODO 22:14 - Dios Rimashcata Quillcashcami

¹⁴ Maijanpish ima animalta mañashpa charicucpi, chai animalyuc mana ricucucpi, chugriricpi, mana cashpaca huañucpica, cutichinami can.

ÉXODO 22:14 Iomraidhean Croise

NEHEMÍAS 5:4

Cutin maijancunaca: «Ñucanchicca jatun mandacman impuestota pagangapacmi allpacunata, uvas chagracunata prendapi churashpa cullquita mañarcanchic.

SALMOS 37:21

Diosta mana manchac runaca imata mañashpapish mana cutichinchu. Ashtahuanpish cashcata ruhuac runaca llaquishpami cutichin.

ÉXODO 21:34

chai jutcu dueñomi chai animalmantaca mashna valishcata pagashpa, chai huañushca animaltaca japina can.

ÉXODO 22:11

chai mingai tucuc runami Diospac ñaupapi: “Mana shuhuarcanichu” nishpa huillana can. Shina nicpimi, chai animalyuc runaca paipac nishcata crishpa, mana cobranga.

ÉXODO 22:13

Chai animalta ima sacha animal polvoshca cacpica, chai huañushca puchutami animalyucman ricuchigrina can. Chashnami chai animalyucman mana cutichina can.

ÉXODO 22:15

Ashtahuanpish animalyuc ricucucpi, imapish tucucpica, mana imata cutichichu can. Fletashca animal cacpica, animalyucmanca fletashca cullquillatatacmi cutichina can.

LEVÍTICO 24:18

Maijanpish shucpac animalta huañuchishpaca animalyucman chashnallatatac cutichichun.

SAN MATEO 5:42

Mañacmanca, cunguilla. Maijanpish imata mañacpica, ama misarishpa mañachinguichiclla.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

DEUTERONOMIO 15:2

Caitaca cashnami ruhuana: Maijanman imata mañachishpa, chai mañac mana cutichi pudicpica saquinami. Mañashcata perdonana huatata Mandac Dios churashcamantami maijanman, mana cashpaca huauquiman mañachishcataca mana cutichichun nina canguichic.