ÉXODO 21:24 - Dios Rimashcata Quillcashcami

²⁴ Ñahuimantaca ñahuihuan, quirumantaca quiruhuan, maquimantaca maquihuan, chaquimantaca chaquihuan pagachun.

ÉXODO 21:24 Iomraidhean Croise

ÉXODO 21:25

Rupachicca rupachishcami cana can. Chugrichicca chugrichishcami cana can. Huactacca huactashcami cana can.

SAN MATEO 7:2

Cancuna ima shinami shuccunata juchanchinguichic, chashnallatacmi cancunatapish Diosca juchanchinga. Ima shinami shuccunata ruhuanguichic, chashnallatacmi cancunatapish ruhuanga.

SAN LUCAS 6:38

Shuccuna ima minishtishcata cuichic, Chashna cucpica, Diospish cancunaman cungami. Paica alli medidapimi jatun cushtalpi alli cuyuchishpa jundachishpa, talliricucta cunga. Cancuna cushca shinallatacmi Diosca cancunamanpish cunga» nirca.

DEUTERONOMIO 19:21

Millaita ruhuaccunataca mana llaquishpami tucuchina canguichic. Maijan ñahuita surcucpica, paitapish ñahuita surcunguichic. Quiruta surcucpica, paitapish quiruta surcunguichic. Maquita, chaquita paquicpica, paitapish paquinguichic.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.