ÉXODO 20:7 - Dios Rimashcata Quillcashcami

⁷ Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

ÉXODO 20:7 Iomraidhean Croise

GÉNESIS 27:20

Shina nicpimi Isaacca: —Ñuca huahualla, ¿ima shinatac utca japimunguiyari?— nirca. Shina tapucpimi Jacoboca: —Canta Mandac Diosllatacmi animalcunata ñuca ñaupapi ricuchirca— nirca.

1 REYES 2:9

Ashtahuanpish cunanca ama saquinguichu. Canca alli yachac runami cangui. Ima shina paita llaquichinatapish, canllatac yachanguimi. Pai ña yuyacyashpa yurac accha tucucpica, huañuchishpa, yahuarta jichashpa Seolman cachangui» nirca.

2 REYES 5:20

Diospac runa Eliseota servic Giezica: «Riqui, ñucata mandacca Siria llactamanta Naamán carangapac apamushcata mana japishpami, alli shungu tucushca. ¡Mandac Diospac shutipimi nini: Cunanllatami Naamán cushcata chasquingapac paita catishpa callpasha!» nishpa yuyarca.

SALMOS 139:20

Paicunaca cantaca camincunami. Canta piñaccunaca cambac shutitaca yangami rimancuna.

PROVERBIOS 30:9

Pacta huicsa pactata micushpa, canta cungarishpaca: «¿Mandac Diosca pitacyari?» niman. Pacta huacchayashpa shuhuashpa, ñuca Diospac shutita mana alli niman.

JEREMÍAS 34:16

Ashtahuanpish, ñuca shutita yangapi churashpami, servic caricunatapish, servic huarmicunatapish paicuna munashca shina cacharishpa cutichimurcanguichic. Shinami cutinllatac servichishpa charircanguichic.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

EZEQUIEL 39:7

Shinami ñuca shutica jucha illac cashcata ñuca acllashca israelcunapac chaupipi ricsichisha. Ñuca shutita yangapi churachunca, jaicapi mana saquishachu. Shina ruhuacpimi, shuctac llactapi causaccunaca ñucataca israelcunapac jucha illac, Mandac Dios cashcata yachangacuna.

LEVÍTICO 19:12

Manapish pactachingapac ari nishpa, ama cancunata Mandac Diospac shutita yangapi churanguichicchu. Ñucami Mandac Dios cani.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

2 CORINTIOS 1:23

Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

DEUTERONOMIO 5:11

Mandac Dios ñucapac shutita ama yanga rimanguichu. Mandac Dios ñucapac shutita yanga rimactaca llaquichishami.

DEUTERONOMIO 6:13

Mandac Diosta manchanguichic, paillata servinguichic, paipac shutillapi imatapish ari ninguichic.

SANTIAGO 5:12

Ñuca cuyashca criccuna, tucuimanta yallica: Imata ruhuangapacca jahua pachamantapish, cai pachamantapish, ima shuctac tiyashcamantapish ama ari nichicchu. Dios ama juchanchichunca, pactachingapac cashpaca «ari» nichic, mana pactachingapac cashpaca «mana» nichic.

JOSUÉ 2:12

Cunanca, ñuca taitapac familiata mana llaquichingapac Mandac Diospac shutipi ari ni. Ñuca cancunata llaquishpa cuidashca shinallatac ñucanchictapish, llaquishpa cuidanguichic. Chaita pactachingapacca, shuc señalta ricuchichicyari.

JOSUÉ 2:17

Shina nicpimi, chai runacunaca: —Ñucanchic canta mana llaquichingapac ñucanchic ari nishca pactachunca,

JOSUÉ 9:20

Paicunahuanca caitami ruhuana canchic: Paicunataca causachun saquinallami canchic. Paicunahuan ari nishca jahua paicunata huañuchicpica, Diosca ñucanchic-huan yallita piñaringami. Chaimanta mana huañuchinachu canchic— nirca.