ÉXODO 20:5 - Dios Rimashcata Quillcashcami

⁵ Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 20:5 Iomraidhean Croise

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

2 SAMUEL 21:6

Cunanca, paipac huahua huahuacunamanta canchis runacunata Mandac Dios acllashca Saulpac Gabaón pueblopi sipingapac cui— nirca. Shina nicpimi, jatun mandacca: —Chai runacunata cushallami— nirca.

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.

1 REYES 21:29

«¿Acab ñucapac ñaupapi mai llaquilla tucushcataca ricunguichu? Pai chashna mai llaquilla tucushcamantami pai causacui punzhapica mana llaquichishpa, ashtahuanpish paipac churi mandacui punzhacunapi paipac familiataca llaquichigrini» nirca.

2 REYES 17:35

Mandac Diosca Jacobopac huahua huahuacunahuan ari nishpaca: «Shuctac dioscunata ama manchanguichicchu. Chaicunata ama alli ninguichicchu. Ama servinguichicchu. Animalcunatapish ama cushpa huañuchinguichicchu.

2 REYES 17:41

Chashnami chai gentecunaca Mandac Diosta manchashpapish, paicunapac yanga dioscunata servishpa causarcacuna. Paicunapac churicunapish, nietocunapish paicunapac taitacuna ruhuashpa causashca shinallatacmi cunancaman ruhuashpa causancuna.

2 REYES 23:26

Josías chashna ruhuacpipish, Mandac Diosca Judá llactata jatun mandac Manasés yallita millaita ruhuashcamantaca Judá llactapi causaccunahuan nina japiric shina piñarishpami catirca.

2 REYES 5:18

Ñucata mandac, Rimón diospac huasiman alli ningapac yaicushpaca, ñuca rigrapimi taunallishpa shayaringa Shina ruhuacpica, ñucapish chai diospac huasipica cungurinami tucun. Chashna ruhuacpica, Mandac Diosca canta servic ñuca mana allita ruhuashcata perdonachun— nirca.

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

2 CRÓNICAS 25:14

Amasías chai edomitacunata huañuchishpa cutimushpaca, Seir llactapi causaccunapac dioscunata apamushpami paipac dioscuna cachun, paipac ñaupapi churashpa alli nishpa inciensota rupachirca.

2 CRÓNICAS 7:19

Ashtahuanpish ñuca mandashcacunata, ñuca yachachishcacunata saquishpa, huashaiman cutirishpa, shuc dioscunata servishpa alli nishpa causacpica,

JOB 21:19

Diosca taitacunapac juchamantaca churicunatami llaquichingapac charicun nincunami. ¡Juchata ruhuacllatacmi llaquita apana can! ¡Chashna ruhuacpimi yuyaita japinga!

JOB 5:4

Paicunapac huahuacunataca pi mana quishpichingachu. Puebloman yaicuna pungullapitacmi llaquichingacuna. Paicunataca pipish mana ayudangachu.

SALMOS 109:14

Quipa tiyashca huahua huahuacunapish tucui tucuchishca cachun. Paipac taitacuna yallita mana allita ruhuashcataca Mandac Dios yuyaricuchunlla. Paipac mamapac juchatapish ama anchuchishca cachun.

SALMOS 78:58

Paicunapac lomacunapi altarcunata ruhuashpa, yangalla dioscunahuanmi yallita piñachircacuna.

SALMOS 79:8

Ama ñucanchic ñaupa taitacunapac juchacunata yuyarishpa ñucanchicta llaquichichuyari. Ñucanchicca llaquihuanmi canchic, chaimanta llaquishpa utca tupangapac shamuiyari.

SALMOS 81:15

Mandac Diosta mana ricunayachiccunaca paita cazushpami causanman carca. Paicunapac causaica huiñaitami alli canman carca.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

ÉXODO 34:14

Ama shuctac dioscunata adoranguichu. Mandac Dios ñucaca ñucapaclla cachunmi munani. Ñucaca, ñucapaclla cachun munac Diosmi cani.

PROVERBIOS 8:36

Ashtahuanpish ñucamanta caruyacca paillatacmi causaita chingachin. Ñucata tucui piñaccunaca huañuitami cuyacun» nishpami caparicun.

ISAÍAS 44:15

Chai yuracunallatatacmi rupachishpa cunurin. Hornopi rupachishpami tandata cusan. Chai caspillatatacmi allichishpa shuc yanga diosta ruhuan. Chashnami shuc yanga diosta ruhuashpa, paipac ñaupapi cumurishpa alli nin.

ISAÍAS 44:19

Imata ruhuacushcataca shungupi mana yuyarinchu. Shinallatac: «Cai caspimanta maijanca rupachishpa, chai nina carbonpica tandata, aichata cusashpami micurcani. ¿Chai puchushca caspihuanchu millana shuc diosta ruhuasha? ¿Chai puchushca caspi ñaupapichu cungurisha?» nina yuyaitaca pipish mana charinchu.

JEREMÍAS 2:9

Chaimantami ñucaca piñarishpa llaquichigrini. Cancunapac huahuacunapac churicunahuanpish piñarigrinimi. Chaitaca Mandac Dios ñucami nini.

JEREMÍAS 32:18

Canca huaranga huaranga gentecunata llaquicmi cangui. Cutin ñaupa taitacuna mana allita ruhuashcamantaca quipa huahuacunatami llaquichingui. Jatun poderyuc Dioslla, cambac shutica tucuita Mandac Diosmi.

EZEQUIEL 18:19

Cancunaca: “¿Imamantatac churica taitapac juchamanta llaquita mana apan?” nishpa tapunguichicchari. Shina cashpapish churica cashcata ruhuac cashcamantami allita ruhuarca. Chaimantami ñuca quillcachishcacunatapish tucuita cazurca. Chaimantami paica causanga.

EZEQUIEL 18:2

«Israel llactapi yuyaita cuc rimaicunata rimashpaca: “Taitacuna jayac uvasta micushcamantami churicunaca quiruta nanachin” nincunami. Chaica, ¿imatatac yuyachin?

EZEQUIEL 20:7

Chai ruhuashcalla dioscunata cancunapac ñaupamanta anchuchichic. Egiptopi tiyac ruhuashcalla dioscunahuan ama mapayaichicchu. Ñucami cancunata Mandac Dios cani nircani.

EZEQUIEL 39:25

Chaimantami Mandac Dios ñucaca: Cunanca Jacobopac huahua huahuacunataca pushamushpami israelcunata cuyac cashcata ricuchisha. Chashnami ñuca shutica jucha illac cashcata ricuchisha.

EZEQUIEL 8:3

Chai runaca maquita chutashpami, ñuca uma accha jahuapi churarca. Chaipimi Diospac Espirituca muscuipi shina, cai pachamanta jahuaman alzashpa, ñucataca Jerusalenman aparca. Chashna pushashpaca, jahua ladoman cac ucu yaicunallapimi shayachirca. Chaipimi Mandac Dios mana ricunayachishca ruhuashcalla dios tiyacushca carca.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 3:18

Jatun mandaclla, pai mana quishpichicpipish ñucanchicca cambac diosta mana servishunchu. Can ruhuashca runaman ricchata cumurishpa mana adorashunchu— nirca.

LEVÍTICO 20:5

ñucami paicunahuan piñarishpa, familiandi, chai diosman huahuata cushpa huainayaccunandi israelpuramanta anchuchisha.

LEVÍTICO 26:1

Ama shuctac dioscunatapish, imaman ricchacunatapish ruhuanguichicchu. Cancunapac llactapica ama rumimanta ruhuashca dioscunatapish, pintashca rumicunatapish ruhuanguichicchu. Ama chaicunapac ñaupapi cumuringuichicchu. Ñucami cancunata Mandac Dios cani.

LEVÍTICO 26:29

Shina ruhuacpica, cancunapac churicunata, ushicunatami micunguichic.

NAHÚM 1:2

¡Mandac Diosca, paipaclla cachun munacmi! Ima shina paita llaquichishca shinallatac llaquichicmi. Paita mana ricunayachiccunata llaquichicmi, paita piñaccunata piñacmi.

NÚMEROS 14:18

“Mana utca piñaric, yallita cuyacmi cani. Millaita ruhuaccunatapish, mana cazuccunapish perdonac, shina cashpapish mana allita ruhuashcataca mana saquishpa llaquichicmi cani. Taitacuna millaita ruhuashcamantaca huahuacunatami quimsaniqui, chuscuniqui miraicaman llaquichic cani” nishcanguimi.

NÚMEROS 14:33

Cancunapac huahuacunaca chuscu chunga huatatami cai shitashca pambapica michishpa puringa. Paicunami cancuna millaita ruhuashcamantaca cai shitashca pambapi cancuna huañushpa tucuringacaman llaquita apanga.

NÚMEROS 25:11

«Aaronpac churi Eleazarpac churi Fineasca ñuca piñaric shinallatac piñarishpa, huañuchishpami israelcunapac chaupimantaca ñuca rabiata anchuchishca. Chaimantami ñucaca israelcunata mana tucuchini.

SAN MATEO 4:9

—Can ñucata cungurishpa adoracpica, cai tucuitami canman cusha— nirca.

SAN JUAN 15:18

Cai pachapi causaccuna piñacpica, ñucatarac piñashcata yuyanguichic.

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

SAN JUAN 9:2

Yachacuccuna Jesustaca: —Yachachic, cai runa ñahui mana ricuc huacharichunca, ¿taita mamachu juchallirca? ¿Mana cashpaca paipac juchallamantachu chashna tucushca canga?— nirca.

ROMANOS 1:30

Shuccunata mana alli nishpa rimancuna, Diostapish piñancuna, pitapish yangapi churashpa rimancuna, jatun tucuncuna, pi mana ruhuashca millaita ruhuancuna, taita mamata mana cazuncuna,

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.

DEUTERONOMIO 32:41

Ñucapac jagan nicuc espadata mulashpa ñuca maquihuan alzashpa cashcata ruhuacushpami ñucata piñaccunataca paicuna llaquichishca shina llaquichisha.

DEUTERONOMIO 4:24

Mandac Diosca paipaclla cachunmi munan. Paica rupachishpa tucuchic nina shinami.

DEUTERONOMIO 5:10

Ashtahuanpish ñucata cuyashpa, ñuca mandashcacunata cazuccunataca huaranga huahua huahuacaman cuyacmi cani.

DEUTERONOMIO 5:9

Chai dioscunapac ñaupapi ama cumuringuichu, ama adoranguichu. Ñucaca, ñucapaclla causachun munac Mandac Diosmi cani. Taitacuna juchallishcamantaca paicunapac huahuacunatami quimsaniqui, chuscuniqui huahua huahuacaman llaquichicmi cani.

DEUTERONOMIO 6:15

Ashtahuanpish cancunapac chaupipi causacuc Mandac Diosca paipaclla causachunmi munan. Pacta pai nina japiric shina piñarishpa, cai pachamanta chingachinman.

DEUTERONOMIO 7:10

Shina cashpapish, paita piñaccunataca mana unayashpa llaquichicmi. Paita llaquichiccunataca paicuna llaquichishca shinallatacmi llaquichin.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

JOSUÉ 23:16

Cancunata Mandac Dios-huan ari nishcacunata mana cazushpa, shuctac ruhuashcalla dioscunata servishpa cumuricpica, Mandac Diosca nina japiric shinami cancunahuanca piñaringa. Chashna piñaricpica, pai cushca sumac allpapica utcami tucui tucuringuichic» nirca.

JOSUÉ 23:7

Chai llactapi saquirishpa, cancunapac chaupipi causaccunahuanca ama tandanacunguichicchu. Paicunapac dioscunapac shutipi ama imatapish ari ninguichicchu. Paicunapac shutitaca ama rimanguichicchu. Chai dioscunata ama servinguichicchu. Ama paicunapac ñaupapi cumuringuichicchu.

JOSUÉ 24:19

Shina nicpimi, Josueca israelcunataca: —Cancunaca Mandac Diosta mana servi pudinguichicchu. Paica jucha illac Diosmi, paipaclla causachun munac Diosmi. Cancuna paita mana cazushpa causacucta, cancuna juchata ruhuashpa causacuctaca mana ricucungallachu.

JUECES 2:19

Shina cacpipish, juezcuna huañucpica shucta dioscunata adorangapac rishpami paicunapac ñaupa taitacunata atishpa ashtahuan millai tucurca. Chashna mana allita ruhuanapi yacharishca cashcamantami millaita ruhuanata manatac saquirca.