ÉXODO 20:26 - Dios Rimashcata Quillcashcami

²⁶ Shinallatac ñucaman altarta ruhuashpaca ama gradacunahuan ruhuanguichicchu. Cancuna chaiman huichai rishpaca, cancunapac lluchulla aichata ricuchinguichicmi” ningui.

ÉXODO 20:26 Iomraidhean Croise

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

ÉXODO 28:42

Chashnallatac cinturamanta mucucaman lluchullata jarcarichun, lino puchcacunamanta calzonta ruhuangui.

ÉXODO 28:43

Chai churanahuanmi Aaronpish, paipac churicunapish ñucahuan tupana huasipi tandanacungapac, mana cashpaca altarpi servingapac yaicunga. Mana chashna yaicushpaca, juchallishpa huañungami. Cai mandashcacunami huiñaipac Aaronmanpish, quipa miraicunamanpish can.

ECLESIASTÉS 5:1

Diospac huasiman rishpaca, alli cangapac ringui. Imata mana yachac, mana entendic runacuna shina, animalta Diosman cushpa huañuchinapac randica, chaipi yachachishcata uyangapacmi ashtahuan cuchuyana cangui.

EZEQUIEL 43:17

Chai altar chaquipi cac pataca largomanpish, anchomanpish canchis metromi carca. Chuscu ladomanmi chashnallatac carca. Chai muyundipica ishcai chunga pichca centímetro ancho llucshishcami carca. Chai muyundi canalca chaupi metro anchomi carca. Gradacunaca inti llucshina ladopimi carca.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

1 PEDRO 1:16

Dios quillcachishcapica: «Ñucaca jucha illacmi cani. Cancunapish jucha illac causaichic» nicunmi.