ÉXODO 20:25 - Dios Rimashcata Quillcashcami

²⁵ Chai altarta ama labrashca rumicunahuan ruhuanguichicchu. Fierrocunahuan allichishpaca mapayachinguichicmi.

ÉXODO 20:25 Iomraidhean Croise

1 REYES 6:7

Diospac huasita shayachingapacca allichishca rumicunallatacmi apamurca. Chaimantami huasita ruhuacucpica, tacana fierrota, hachata, ima shuc fierrocunapish chilin nishpaca mana uyarirca.

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 24:4

Moisesca Mandac Dios tucui nishcacunata quillcashpami, cayandi tutamanta utca jatarishpa, urcu chaquipi shuc altarta ruhuarca. Chai altartaca chunga ishcai Israel aillucunata catishpami, chunga ishcai rumita japishpa shayachirca.

EZEQUIEL 40:42

Chuscu mizacunaca Diosman cushca animalta tucui rupachingapac, shinallatac Diosman cushca shuctac animalcunatapish huañuchingapacmi carca. Chai mizacunaca rumimanta labrashcami carca. Chai jahuapimi Diosman animalta cushpa huañuchina cuchillocunata churana carca. Chai mizacunaca altomanca pichca chunga centimetromi carca. Anchomanpish, largomanpish canchis chunga pichca centimetromi carca.

JOSUÉ 8:31

Mandac Diosta servic Moisés israelcunata mandashca shinallatacmi ruhuarca. Moisés quillcashpa mandashcapica: Mana labrashca, mana fierro tupashca rumihuan shuc altarta ruhuangui. Chai altarpimi Mandac Diosman animalcunata cushpa tucui rupachingui. Shinallatac Dios-huan alli tucungapacpish, animalcunata cushpa rupachingui ninmi.