ÉXODO 20:14 - Dios Rimashcata Quillcashcami

¹⁴ Ama huainayangui.

ÉXODO 20:14 Iomraidhean Croise

GÉNESIS 39:9

Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

2 SAMUEL 11:27

Ña duelo cana punzhacuna tucuricpimi, Davidca pai mandashpa causana huasiman pushamuchun cacharca. Shina pushamucpimi, chai huarmica shamushpa, Davidpac huarmi tucushpa, shuc cari huahuata charirca. Ashtahuanpish David chashna ruhuashcaca Mandac Diospac ñaupapica mana allichu carca.

LEVÍTICO 18:20

Ama shucpac huarmihuan chayaringuichu. Paihuan chayarishpaca mapayanguimi.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

NÚMEROS 5:12

«Maijanpac huarmi cusata mana cazushpa, huainayashpa puricucpi,

SAN MATEO 19:18

Chashna nicpimi chai mosoca: —¿Maijan mandashcacunatatac pactachina cani?— nirca. Chashna nicpimi Jesusca: —Ama huañuchingui, ama shuhuangui, ama llullangui, ama huainayangui,

ROMANOS 13:9

Dios mandashcacunapica: «Ama huainayangui, ama huañuchingui, ama shuhuangui, ama shucpac charishcata munangui» ninmi. Cai mandashcacunapish, caishuc mandashcacunapish (shucllamanmi tandarin.) Chaica: «Can ima shinami cuyaringui, chai shinallatac shuccunatapish cuyangui» ninmi.

DEUTERONOMIO 5:18

Ama huainayanguichu.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

SANTIAGO 2:11

Diosllatacmi: «Ama huaclliringui» shinallatac «ama huañuchingui» nirca. Shina cashcamanta maijan mana huainayashpapish, cutin huañuchishpaca, ñami mandashcata paquishca.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.