ÉXODO 20:12 - Dios Rimashcata Quillcashcami

¹² Mandac Dios ñuca cushca llactapi unai huatata causangapac cambac taita mamata cazungui.

ÉXODO 20:12 Iomraidhean Croise

GÉNESIS 48:12

Joseca ishcai churicunata taitapac changamanta anchuchishpami, pambacaman cumurirca.

GÉNESIS 50:12

Jacobopac churicunaca paipac taita imata nishca shinallatacmi ruhuarca.

1 REYES 2:19

Chai quipami Betsabeca jatun mandac Salomonhuan, Adoniasmanta parlangapac rirca. Shina chayacpimi, jatun mandacca chasquingapac jatarishpa, paipac ñaupapi cumurirca. Chai quipaca, pai mandashpa tiyacushcapi cutin tiyarishpami, paipac mama tiyarichun shuc tiyarinata apamucpica, paipac alli ladomanmi tiyachirca.

2 REYES 2:12

Chashna ricta ricushpami Eliseoca: «¡Ñuca taitalla, ñuca taitalla! ¡Canca israelcunapac macanacuna carretacunapi, caballocunapi ric soldadocuna shinami cangui!» nirca. Chai quipaca Eliastaca mana ashtahuan ricurcachu. Chai quipaca, paipac churanata japishpami ishcaipi lliquirca.

ÉXODO 21:15

Maijanpish quiquin taita mamata macashpa, chugrichicca huañungatacmi.

ÉXODO 21:17

Maijanpish quiquin taita mamata mana alli nicca huañunami can.

PROVERBIOS 15:5

Yuyai illac churica taita cunashcata mana uyasha ninchu. Ashtahuanpish yuyaita charic churica cunashcata chasquinmi.

PROVERBIOS 17:6

Yuyaccunapac sumac coronaca nietocunami. Shinallatac huahuacunapac cushicunaca taita mamami.

PROVERBIOS 20:20

Paipac taitata, mana cashpaca mamata llaquichicca manchana amsa tutapi lámpara huañuc shinami tucunga.

PROVERBIOS 28:24

Taita mamapacta shuhuanaca allimi nic runaca imatapish tucuchic runahuan apanacucmi.

PROVERBIOS 3:16

Alli maquipica unai huata causanatami charicun. Cutin lluqui maquipica charic tucunata, alli nishca canatami charicun.

PROVERBIOS 30:11

Maijan huahua huahuacunaca paicunapac taitata maldiciashpa, paicunapac mamata mana bendicianchu.

PROVERBIOS 30:17

Taitata burlashpa asic churica mama yachachishcatapish yangapimi churan. Chai churipac ñahuitaca yacu huaicupi causac angacuna surcuchun. Jatun angapac huahuacuna micuchun.

JEREMÍAS 35:18

Shina cacpimi, Jeremiasca Recabpac huahua huahuacunataca: «Israelcunapac tucuita Mandac Diosca: “Cancunaca, cancunapac taita Jonadab mandashcataca tucuimi cazushcanguichic. Chashnami tucui pai mandashca shinallatac causashcanguichic.

JEREMÍAS 35:7

Huasicunatapish ama shayachinguichicchu, muyucunatapish ama tarpunguichicchu, uvas chagratapish ama ruhuanguichicchu. Chaicunataca ama charinguichicchu. Ashtahuanpish cancuna causacuc llactapica unai huatacunata causangapacca tucui cancunami carpa huasicunallapi causana canguichic” nirca.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

LEVÍTICO 19:3

Cancunapac taita mamata cazunguichic. Samana punzhatapish huacaichinguichic. Ñucami cancunata Mandac Diosca cani.

LEVÍTICO 19:32

Yurac uma taitapac ñaupapi paita alli nishpa shayaringuichic. Ñucami Mandac Dios cani.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

SAN MATEO 19:19

taita mamata cuyangui. Can ima shinami cuyaringui, chashnallatac shuccunatapish cuyangui— nirca.

MARCOS 10:19

Mandashcacunataca canllatac yachanguimi. Chaipica: “Ama huainayangui, ama huañuchingui, ama shuhuangui, ama llullangui, ama umangui, cambac taita mamata cuyangui” nicunmi— nirca.

MARCOS 7:10

Moisés yachachishpaca: “Taita mamata cuyangui. Maijanpish taita mamata mana alli nicca, huañunami canga” nishcami.

SAN LUCAS 18:20

Dios mandashcacunata yachanguimi. Chaipica: “Ama huainayangui, ama huañuchingui, ama shuhuangui, ama llullangui, shinallatac taita mamata cuyangui” nicunmi— nirca.

EFESIOS 5:21

Diosta manchashcamanta caishuc chaishuc cazunacuichic.

DEUTERONOMIO 11:8

Cancunaman cunan ñuca huillashca tucui mandashcacunata pactachinguichic. Chashna pactachishpami alli sinchiyashpa llactaman yaicushpa, chaipi causaccunata llucchishpa cachashpa chai allpata japinguichic.

DEUTERONOMIO 11:9

Mandac Dios cancunapac taitacunamanpish, quipa huiñaicunamanpish cushami nishca lechepish, mishquipish callpacuc llactapi unaita causangapacca tucui mandashcacunatami pactachina canguichic.

DEUTERONOMIO 21:18

Shuc runa mana cazuc, sinchi shungu, taita mamatapish mana cazuc, paicuna mashnata macacpipish, mana uyacpica,

DEUTERONOMIO 25:15

Pezanatapish cashcata pezacta, medinatapish cashcata medicta charinguichic. Shina ruhuashpami, Mandac Dios cushca llactaman yaicushpaca, unaita causanguichic.

DEUTERONOMIO 27:16

Cutin: “¡Taita mamata mana ricunayachicca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

DEUTERONOMIO 4:26

Chaimantami cunanca tucurinata ricuchichunmi jahua pachatapish, cai pachatapish churani. Jordán yacuta pasashpa, chai llactapi causacushpa, utca tucurina cashcata ricuchichunmi churani. Mana unaitachu chai llactapica causanguichic.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 5:16

Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

DEUTERONOMIO 6:2

Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

COLOSENSES 3:20

Huahuacunapish, cancunapac taita mama tucui ima nishcata cazuichic. Chashna cazuchunmi, Apunchic Jesusca munan.

RUT 3:6

Rut trillana pambaman rishpaca paipac suegra nishca shinami tucuita ruhuarca.

1 SAMUEL 22:3

Chaimantaca Davidca Moab llacta Mizpa pueblomanmi rirca. Chaiman chayashpami Moab llactata jatun mandactaca: —Dios ñucata imatapish mandangacaman ñuca taitatapish, ñuca mamatapish caipi cancunahuan causachun saqui— nirca.