ÉXODO 2:11 - Dios Rimashcata Quillcashcami

¹¹ Moisés ña jatun cashpami, paipac huauqui israelcunata ricungapac rirca. Paica israelcuna yallita sinchi ruhuaicunata ruhuacuctapish, shinallatac Egipto runa shuc Israel runata macacuctapish ricurca.

ÉXODO 2:11 Iomraidhean Croise

ÉXODO 1:11

Chaimantami paicunataca sinchita trabajachishpa llaquichichun, mandaccunata churarca. Shinami paicunaca sinchita trabajachishpa Pitón, Ramesés llactacunata shayachirca. Chai llactacunapimi Faraonca granota tandachirca.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ÉXODO 5:14

Chaipac jahuapica, Faraonpac trabajachiccunaca, Israel mayoralcunataca: —¿Ima nishpatac cainapish, cunanpish utcapi mashna ladrillota ruhuac cashca shinallatac mana ruhuanguichic?— nishpami macarca.

ÉXODO 5:4

Chaimantami Egipto llactata jatun mandacca: —Moisespish, Aaronpish, ¿ima nishpatac alli trabajacuc gentecunata jarcachisha ninguichic? Cancunapac trabajollamantac catichic.

ÉXODO 5:5

Ari, cai llactapica gentecunaca achcami. Shina cacpipish, cancunaca cai gentecuna alli trabajacuctami jarcachisha ninguichic— nirca.

ÉXODO 5:9

Paicunaman ashtahuan achca trabajota cuichic. Chashna ruhuacpimi, chai llullashpa rimashcataca mana uyangacuna— nirca.

ÉXODO 6:6

Chaimanta israelcunataca: “Ñucami Mandac Dios cani. Ñucami Egiptomanta, shinallatac chaipi llaquita trabajacushcamanta llucchisha. Egipto gentecuna llaquichishpa charicushcamanta maquita alzashpa, mancharinacunata ricuchishpa llucchisha.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ISAÍAS 58:6

Cancuna ayunashpaca llaquihuan causaccunata, huatashca shina, llaquilla causaccunata cacharichinami canguichic. Yugo aparishca shina causaccunamanta yugota anchuchinami canguichic.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.