ÉXODO 19:6 - Dios Rimashcata Quillcashcami

⁶ Cancunaca mandac curacuna, shinallatac jucha illac gentecunami canguichic. Tucui cai llactaca ñucapacmi” ninmi ningui— nirca.

ÉXODO 19:6 Iomraidhean Croise

1 REYES 3:8

Canta servic ñucaca can acllashca gentecunapac chaupipimi cani. Paicunaca yupanatapish, mana pudipac shinallatac mashna cashcatapish mana yachaipac achca gentecunami can.

1 REYES 8:53

Jatun Mandac Dioslla, ñucanchictaca tucui cai pachapi causacpuramantami cambac cachun acllarcangui. Chaitaca ñucanchic ñaupa taitacunata Egiptomanta llucshimushpa, canta servic Moisesman huillashca shinallatacmi, chashna ruhuarcangui» nirca.

1 CRÓNICAS 17:22

Can acllashca israelcunataca cambaclla huiñaita causachunmi churarcangui. Mandac Dioslla, chashna ruhuashpami paicunapac Dios tucurcangui.

SALMOS 114:2

Judá llactaca Diospac huasimi tucurca. Israelca pai mandana llactami tucurca.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 22:31

Cancunaca ñucapaclla acllashcami canguichic. Chaimanta sacha animal polvoshpa huañuchishca aichataca ama micunguichicchu, ashtahuanpish allcucunaman shitanguichic.

ÉXODO 28:36

Chashnallatac alli curimanta shuc sisalaya placata ruhuangui. Chaipica fierrohuan aspishpa, Mandac Dios ñucapaclla chicanyachishcami nishpa sellota quillcangui.

ISAÍAS 43:4

Ñuca ñahuipica yalli valishcapish, alli nishcapish, cuyashcapishmi cangui. Chaimantami quishpichingapacca runacunatapish, shuctac llactacunatapish cuni.

ISAÍAS 61:6

Cancunaca Mandac Diospac curacuna, ñucanchic Diosta serviccuna nishcami canguichic. Jatun llactacunapi causaccuna ima charishcacunatami micunguichic. Paicuna ima sumac charishcacunahuanmi alli nishca canguichic.

ISAÍAS 62:12

Paicunataca “Mandac Dios quishpichishca, jucha illac gentecuna” nincunami. Can Jerusalentapish “Dios cuyashpa, mana shitashca llacta” ningacunami.

ISAÍAS 66:21

Paicunapuramantaca maijantaca curacuna cachun, levitacuna cachunmi acllasha» ninmi.

JEREMÍAS 13:11

Israelcunapish, Judá llactapi causaccunapish chumbi runapac cinturapi pilluric shina, ñucahuan tandarishpa, ñuca llacta tucushpa, ñucata allimari cangui nichunmi cayarcani. Ashtahuanpish paicunaca mana cazurcachu. Chaitaca Mandac Dios ñucami nini» nirca.

JEREMÍAS 2:3

Israelcunaca ñucapaclla chicanyachishca punta pucushca grano shinami carca. Paicunata tucuchiccunataca yallitami llaquichic carcani” ninmi ningui» nirca.

JEREMÍAS 7:23

Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.

LEVÍTICO 19:2

«Tandanacushca israelcunataca: “Ñuca cancunata Mandac, jucha illac Diosmi cani. Chaimanta cancunapish jucha illac caichic.

LEVÍTICO 20:24

Ñucami paicuna causashca llactataca cancuna causachun cusha. Lechepish, mishquipish yacu shina callpacuc sumac allpataca cancuna causachunmi cusha. Cancunata Mandac Diosmi cani. Ñucami shuctac llacta gentecunamanta chicanyachishpa acllarcani.

LEVÍTICO 20:26

Ñucaca cancunata Mandac jucha illac Diosmi cani. Chaimanta cancunapish, jucha illac caichic. Cancunataca ñucapaclla cachunmi shuctac llacta gentecunamanta chicanyachircani.

LEVÍTICO 21:23

Ashtahuanpish paica lisiadomi. Chaimanta ñucapaclla chicanyachishca ucuta jarcachishcataca mana pasai pudinchu. Altarmanpish mana cuchuyai pudinchu. Shinami ñucapaclla chicanyachishca ucutaca mana mapayachinga. Ñucaca Mandac Diosmi cani. Ñucami ñucapaclla cachun chicanyachic cani” ningui» nirca.

AMÓS 3:2

«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.

HAGEO 2:5

Egipto llactamanta cancunata llucshicushpa, cancunahuan ari nishca shinallatacmi ñuca espirituca cancunapac chaupipi canga. Chaimanta ama manchanguichicchu.

NÚMEROS 16:3

Tucui cai gentecunami Moisestapish, Aarontapish llaquichishpaca: —¡Ña mana ashtahuan ñucanchicta mandanachu canguichic! Tucui israelcunami Diospaclla chicanyarishca cancuna. Mandac Diospish ñucanchic chaupipimi causacun. Shina cacpica, ¿ima nishpatac cancunalla tucuita yachaclaya mandashpalla causacunguichic?— nirca.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

1 CORINTIOS 3:17

Chaimanta Dios causana huasica paipacllami. Maijanpish Diospac huasita urmachictaca, paitapish Diosca urmachingami. Chai huasica cancunallatacmi canguichic.

DEUTERONOMIO 14:21

Imapish huañushca animaltaca ama micunguichicchu. Ashtahuanpish cambac llactapi pozashpa causaccunaman micuchun cunguichic, mana cashpaca shuctac llactamanta shamuccunaman catunguichic. Cancunaca, Mandac Dios chicanyachishca jucha illac gentecunami canguichic. Ama llullu chivota mamapac lechepi yanunguichicchu.

DEUTERONOMIO 26:19

Cancunataca tucui pai ruhuashca llactacunamanta ashtahuan yalli cachun, tucuipac ricsishca, tucuipac alli nishca llacta cachunmi Mandac Diosca pai munashca shina acllashca ninguichic» nirca.

DEUTERONOMIO 28:9

Tucui mandashcacunata cancuna cazucpica, Mandac Diosca pai nishca shinami paipacllata ruhuashpa, jucha illacta ruhuanga.

DEUTERONOMIO 7:6

Cancunaca Mandac Diospaclla chicanyachishcami canguichic. Mandac Diosca tucui cai pachapi causaccunamanta ashtahuan alli gentecuna cachunmi acllarca.

1 TESALONICENSES 5:27

Apunchic Jesuspac shutipimi, cai quillcataca tucui criccunapac ñaupapi rezachun nini.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

APOCALIPSIS 1:6

paihuan mandaccuna cachun, paipac Diospacta ruhuac curacuna cachun ruhuac ¡Jesucristotaca tucui mashna huiñaita “Jatun Mandacmi cangui, allimari cangui” nichuncuna! Chashna cachun.

APOCALIPSIS 20:6

Maijanpish chai punta causarinapi causariccunamanca, ¡mai cushicuimi canga! Paicunaca Diospaclla cac acllashcacunami can. Quipa huañuica imata paicunataca mana ruhuangachu, ashtahuanpish paicunaca Diospactapish, Cristopactapish ruhuac curacunami canga. Shinallatac paicunami Cristohuanca huaranga huatata mandangacuna.

APOCALIPSIS 5:10

Chashnami ñucanchicta Mandac Diospacta ruhuaccuna, jatun mandaccuna, curacuna cachun ruhuashcangui. Shina cashpami cai pachataca mandashun» nircacuna.