ÉXODO 19:21 - Dios Rimashcata Quillcashcami

²¹ Mandac Diosca Moisestaca: —Gentecuna Mandac Dios ñucata ricungapac maicaman chayana cashcata pasashpa, pacta huañunman. Chaiman ama pasachun cutishpa rimagri.

ÉXODO 19:21 Iomraidhean Croise

ÉXODO 3:3

Chaimantami paipac shungupica: «Zarzaca mana rupacunchu, caitaca jaicapi mana ricushcanichu, ricungapac cuchuyasha» nishpa yuyarca.

ÉXODO 3:5

Shina nicpimi, Mandac Diosca: —Can sarucuc allpaca ñucapacllami. Chaimanta ama cuchuyaichu. Cambac ushutata llucchi.

ÉXODO 33:20

Shina cacpipish, ñucapac ñahuitaca mana ricui pudinguichu. Maijanpish ñucapac ñahuita ricushpaca, mana causangachu— nirca.

ECLESIASTÉS 5:1

Diospac huasiman rishpaca, alli cangapac ringui. Imata mana yachac, mana entendic runacuna shina, animalta Diosman cushpa huañuchinapac randica, chaipi yachachishcata uyangapacmi ashtahuan cuchuyana cangui.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

NÚMEROS 4:18

«Levitapuramanta Cohatpac aillucuna ñucapaclla pushtuman cuchuyashpa huañuchunca, ama saquinguichu.

NÚMEROS 4:19

Ñucapaclla pushtuman paicuna cuchuyashpa, ama huañuchunca, Aaronta, paipac churicunata chaipi imata ruhuachun mandangui.

NÚMEROS 4:20

Paicunaca ñucapaclla chicanyachishcataca mana ricunachu can. Chaita ricushpaca huañungami» nirca.

DEUTERONOMIO 5:5

Chai punzhapica Mandac Dios imata nishcata cancunaman huillacmi ñucaca carcani. Cancunaca manchashpami, urcumanca mana huichai rircanguichic. Chaipimi Mandac Diosca:

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.