ÉXODO 19:18 - Dios Rimashcata Quillcashcami

¹⁸ Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

ÉXODO 19:18 Iomraidhean Croise

GÉNESIS 11:5

Chaimantami Mandac Diosca runacuna ruhuacuc pueblotapish, jatun torretapish ricungapac urai shamurca.

GÉNESIS 15:17

Ña inti tigrashpa, amsa tuta tucucpimi, Abramca shuc hornomanta cushni llucshicuctapish, chaupishca animalcunapac chaupita nina jagan nishpa, pasacuctapish ricurca.

GÉNESIS 19:28

Chaiman chayashpami, Abrahamca Sodomamantapish, Gomorramantapish, tucui pambacunamantapish hornomanta cushni llucshicuc shinata ricurca.

NEHEMÍAS 9:13

Sinaí urcuman shamushpami, jahua pachamanta rimarcangui. Chaipimi cashcata nic yachachishcacunatapish, mana llullac mandashcacunatapish, allita pactachinacunatapish, mandashcacunatapish curcangui.

SALMOS 104:32

Pai allpata ricucpica chucchunmi. Urcucunapi tuparicpica cushninmi.

SALMOS 114:4

Urcucunaca cari oveja shina, lomacunapish huahua oveja shinami saltarca.

SALMOS 114:7

Jacobopac Mandac Diospac ñaupapica allpaca chucchunmi.

SALMOS 144:5

Mandac Dioslla, cambac jahua pachata pascashpa urai shamuiyari. Urcucunapi tuparishpa cushnichiyari.

SALMOS 18:9

Jahua pachata pascashpami urai shamurca. Paipac chaqui ucupica amsa puyumi tiyarca.

SALMOS 68:9

Dioslla, achca tamyatami cacharcangui. Chashna cachashpami cambac chaquishca allpatapish nuyuchircangui.

SALMOS 77:18

Canca acapana huairapimi tulun nishpa uyarircangui. Cai pachatapish cambac relampahuanmi achicyachircangui. Allpapish manchaihuanmi chucchurca.

SALMOS 77:19

Cambac ñanca mama cuchatami rirca. Jatun timbucuc yacu chaupitami cambac purina ñantaca ruhuarcangui. Cambac chaqui sarushcataca pi mana ricsi pudircachu.

ÉXODO 19:13

Pipish chaipica mana tupari pudinchu. Maijanpish tuparicca rumihuan shitashpa, mana cashpaca arcohuan shitashpa huañuchishcami canga. Shinami gente cashpa, animal cashpa huañunga. Corneta unaicaman tocashca uyaricllapimi urcumanca huichicunga” ningui— nirca.

ÉXODO 19:17

Chaimantami Moisesca carpa huasicunamanta tucui israelcunata llucchishpa, Dios-huan tupangapac urcu chaquipi shuyarca.

ÉXODO 20:18

Tucui israelcunamami tulun nishcatapish, corneta tocashcatapish uyarca. Shinallatac relampa jaguin nishcatapish, Sinaí urcu cushni tapashcatapish ricurca. Chaimantami manchaihuan chucchushpa caruyarca.

ÉXODO 24:17

Mandac Diospac sumaimana achicca israelcunapac ñahuipica nina pillurishpa rupacuc shinami, urcu jahuapica ricurirca.

ÉXODO 3:2

Chaipimi Mandac Diospac angelca rupacuc zarza yura chaupipi ricurirca. Moisesca zarza yura tucui nina tapashca cashpapish mana rupactami ricurca.

ÉXODO 34:2

Cayandi utca jatarishpa, Sinaí urcu jahuapi ñucahuan tupangapac huichai shamui.

ISAÍAS 6:4

Chashna caparicpica, Diospac huasi pungu umbralcunapish chucchurcami. Huasi ucupica cushnimi jundarca.

ISAÍAS 64:1

¡Jahua pachata lliquic shina, urai shamushpaca, allichari canguiman! Can ricuricpica, urcucunapish chucchunmanmi.

JEREMÍAS 4:24

Urcucunata ricucpica chucchucurcami. Lomacunapish cuyuricurcami.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

ZACARÍAS 14:5

Chai pugru pambaca Azal llactacamanmi canga. Cancunaca chai urcu chaupipi tiyac pugru pambapi miticugringuichic. Judá llactata jatun mandac Uzías mandacui punzhacunapi jatun allpa chucchucpi, miticugrishca shinami miticugringuichic. Chai quipami ñucata Mandac Diosca paipac angelcunahuan shamunga.

SAN MATEO 24:7

Llactacunapurapish, jatun mandaccunapurapishmi macanacunga. Maijan llactapica allpa chucchuipish, yarcaipish tiyangami.

DEUTERONOMIO 33:2

bendiciashpaca: «Mandac Dios Sinaí urcumantami shamurca. Seir urcumantami achicyachirca. Parán urcumantami achicyachirca. Paipac alli maquipi achicta apashpami pai acllashca huaranga huarangacunahuan shamurca.

DEUTERONOMIO 4:36

Yachachingapacca jahua pachamantami rimarca. Cutin cai pachapica paipac jatun ninatami ricuchirca. Nina pai chaupimanta rimashcataca uyarcanguichic.

DEUTERONOMIO 5:22

Cai mandashcacunataca cancuna urcupi tandanacushca cacpimi, Mandac Diosca pura puyu nina chaupimanta sinchita rimarca. Chai quipaca, imatapish mana ashtahuan rimashpami ishcai tabla rumipi quillcashpa ñucaman curca.

DEUTERONOMIO 5:4

Caitaca urcupimi nina chaupimanta Mandac Diosca ñahui ñahui cancunahuan parlarca.

2 TESALONICENSES 1:7

Cutin cancuna llaquita apacuccunataca ñucanchicta samachic shinallatac samachingapacmi Apunchic Jesusca paipac poderyuc angelcunahuan jahua pachamanta nina culun nicuc chaupita shamunga.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

HEBREOS 12:18

Cancunaca israelcuna shina, tuparinalla urcumanca mana chayarircanguichicchu. Chai urcupica nina rupacurcami, manchaipac amsapish, huairapishmi carca.

HEBREOS 12:26

Ñaupa punzhacunapica, Diosca pai rimashcahuanmi cai pachata chucchuchirca. Ashtahuanpish cunan chucchuchinamanta rimashpaca: «Mana cai pachallatachu chucchuchisha, jahua pachatapish chucchuchishami» ninmi.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

APOCALIPSIS 15:8

Diosca imatapish ruhuangapac poderta charishcamanta shinallatac sumaimana achiclla cashcamantaca, cushnimi Diosta mañana huasipica jundarca. Shina cacpimi canchis angelcuna canchis llaquicunahuan llaquichinata tucuchingacaman, chaimanca pipish mana yaicui pudirca.

APOCALIPSIS 9:2

Chai jatun jutcuta pascacpica, jatun hornomanta shinami achca cushni llucshishpa intitapish, punzhatapish amsayachirca.

JUECES 5:5

Mandac Diospac ñaupapica urcucunapish chucchurcami. Sinaí urcupish israelcunata Mandac Diospac ñaupapica chucchurcami.