ÉXODO 19:10 - Dios Rimashcata Quillcashcami

¹⁰ Chaimantami Mandac Dios Moisestaca: —Israelcunapacman rishpa cunanpish, cayapish ñucapaclla cachun, shinallatac paicunapac churanatapish tacshachun mandai.

ÉXODO 19:10 Iomraidhean Croise

GÉNESIS 35:2

Chaimantami Jacoboca paipac familiacunatapish, paihuan caccunatapish rimashpaca: —Cancunapurapi tiyac chican dioscunata anchuchichic. Chaimantaca armarishpa mushuc churanata churarichic.

2 SAMUEL 19:24

Shinallatac Saulpac churi Mefi-bosetpish jatun mandacta tupangapacmi urai shamurca. Paica jatun mandac llucshishpa rishca punzhamanta pachami chaquitapish mana jahuashpa, barbastapish mana pitishpa, paipac churanatapish mana tacshashpa cutimungacaman chashna carca.

2 CRÓNICAS 29:34

Ashtahuanpish curacunaca ashalla cashpami, tucui rupachina animalcunataca mana llushti pudircacuna. Chaimantami animalcunata llushtishpa, tucui tucuchingacaman shinallatac caishuc curacuna Diosta servingapac allichiringacamanca paicunapac huauqui levitacuna ayudarca. Levitacunami curacunata atishpa utca chuyayarca.

2 CRÓNICAS 29:5

Chaipimi paica: «Levitacuna uyaichic: Cancuna Diospaclla tucuichic. Cancunapac ñaupa taitacunata Mandac Diospac huasitapish paipaclla cachun allichichic. Diospac huasi ucumanta mapacunata llucchichic.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

LEVÍTICO 11:25

Chai huañushca animalcunata maijanpish apashpaca churanata tacshanami. Shinallatac tutayangacamanmi mapa canga.

LEVÍTICO 15:5

Pai siririshca camapi maijanpish tuparicca armarishpa, churanatapish tacshanami can. Shina ruhuashpapish, tutayangacamanmi mapa canga.

NÚMEROS 11:18

Israelcunataca: “Cayapac Diospaclla tucuichic. Cayaca aichatami micunguichic. Cancunaca: ‘Egiptopica allimi causarcanchic. Caipica, ¿pitac aichata carangayari?’ nishpami, Mandac Dios uyacta huacacurcanguichic. Chaimantami Mandac Diosca cancunaman aichata caragrin.

NÚMEROS 19:19

Mapa illac runami quimsa punzhapi, canchis punzhapi mapayashca runa jahuapi yacuta chirapanga. Shina ruhuashpaca paipish churanata tacshashpa armarinami can.

NÚMEROS 31:23

mapa illacta ruhuanguichic. Chai fierrocuna mana mapa illac tucucpica, yacuhuan mapa illacta ruhuanguichic. Ninapi churacpi, rupaipacllacunataca yacuhuan jahuashpa, mapa illacta ruhuanguichic.

NÚMEROS 31:24

Canchis punzha tucucpica, cancunapac churanata tacshashpa, mapa illaclla tucunguichic. Chai quipami carpa huasimanca yaicui pudinguichic” ninmi ningui» nirca.

NÚMEROS 8:21

Levitacunaca mapa illac tucungapacmi paicunapac churanatapish tacsharca. Chashna ruhuacpimi, Aaronca paicunataca Mandac Diosman ofrendata shina curca. Chaimantami paicunaca juchata pichachun Diosman ofrendata curca.

NÚMEROS 8:7

Paicunata mapa illacta ruhuangapacca cashna ruhuangui: Mapa illacta ruhuac yacuta paicunapac jahuapi chirapangui. Paicunapac cuerpotaca cuchillohuan aspishpa, churanatapish tacshachun mandangui. Chashna ruhuacpimi, paicunaca mapa illac tucunga.

1 CORINTIOS 6:11

Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

JOSUÉ 3:5

Josué israelcunata rimashpaca: «Chuyayashpa, Diospaclla tucuichic. Mandac Diosca cayami cancunaman sumaimanacunata ruhuagrin» nirca.

JOSUÉ 7:13

Jatari, israelcuna chuyanlla tucuchunca: “Cayapac mapa illac tucuichic. Mandac Diosca: ‘Israelcunalla, cancunapac chaupipimi ñuca tucuchingapac chicanyachishca tiyacun. Cancunapac chaupimanta ñuca tucuchingapac chicanyachishcata anchuchingacaman cancunata piñaccunata mana ati pudinguichicchu’ ninmi” nirca.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

1 SAMUEL 16:5

Shina tapucpi Samuelca: —Ari, ñucaca Mandac Diosman cushpa, rupachingapacmi shamuni. Cancunapish Diospaclla tucushpa Diosman cushpa rupachingapac ñucahuan jacu— nirca. Chai quipaca Isaitapish, paipac churicunatapish chuyayachishpami Diosman cushpa rupachingapac jacu nirca.