ÉXODO 18:8 - Dios Rimashcata Quillcashcami

⁸ Moisesca Mandac Dios israelcunaman allita ruhuashpa, Faraontapish, Egipto runacunatapish imata ruhuashcatapish, ñanpi llaquicunata apashcatapish, Mandac Dios ima shina Egiptomanta llucchishcatapish paipac suegroman tucui parlarcami.

ÉXODO 18:8 Iomraidhean Croise

GÉNESIS 44:34

¿Ima shinatac ñuca taitapacmanca cai huambra illacllaca chayagrishayari? Ñuca taita huambrata mana ricushpa, llaquiricucta ricushpaca, ñucapish llaquirishami— nirca.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

SALMOS 106:10

Paita piñaccunapac maquimantami quishpichirca. Huañuchiccunapac maquimantami quishpichirca.

SALMOS 106:8

Shina cacpipish, Diosca tucuita ruhuac cashcata ricuchingapacmi paipac shutita cuyashpa quishpichirca.

SALMOS 107:2

Mandac Dios quishpichishcacuna cancunata piñaccunapac maquimanta cacharichishcami canguichic. Chaimantami paita alabana canguichic.

SALMOS 66:16

Diosta tucui manchaccuna, Dios ñucaman imalla allicunata ruhuashcatami huillagrini. Chaita uyangapac shamuichic.

SALMOS 81:7

Llaquipi cashpa ñucata caparicpica quishpichircanimi. Tulun nicuc chaupimantami cutichircani. Meriba yacu ladopimi cancuna ima shina cashcata yacharcani.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ÉXODO 15:6

Mandac Dioslla, cambac alli maquica jatun poderyuc sinchi maquimi. Mandac Dioslla, cambac maquihuanmi piñaccunataca tucuchircangui.

ÉXODO 16:3

Paicuna rimarishpaca: —¡Mandac Dios, cai tucui gentecunata cai shitashca pambaman apamushpa, huañuchinapac randica, Egiptollapitac huañuchishca cashpachari alli canman carca! Chaipica aicha mangacunahuan tiyarishpami, huicsa pactata micuc carcanchic— nirca.

ÉXODO 18:1

Moisespac suegro Jetroca Madianpimi cura carca. Paica Mandac Dios Moisestapish, Dios acllashca israelcunatapish imata ruhuashcata, shinallatac Egiptomanta israelcunata ima shina llucchishcatami yachac chayarca.

ÉXODO 2:25

Diosca paicuna ima shina causacushcata ricurcami. Chaimantami paicunata ayudasha nirca.

ÉXODO 23:23

Ñuca angelmi ñaupata rishpa amorreocunapac, heteocunapac, ferezeocunapac, cananeocunapac, heveocunapac shinallatac jebuseocunapac llactaman apanga. Paicunataca ñucami tucuchisha.

ÉXODO 4:23

Ñuca huahuacuna ñucata servingapac richun saqui. Mana richun saquicpica, punta cari huahuacunatami huañuchigrini’ ninmi” ningui— nirca.

ÉXODO 7:4

Faraonca cancuna nishcataca mana uyangachu. Shina cacpipish, Egiptopi causaccunataca ñuca maquihuan llaquichishpami llucchisha. Ñuca acllashca israelcunataca sumacta tandachishpami llucchisha.

ÉXODO 7:5

Egiptopi causaccunapac chaupimanta israelcuna ñuca maquihuan llucchicpimi, Egipto runacunaca ñucataca Mandac Dios cashcata yachangacuna— nirca.

NÚMEROS 20:14

Cadesmantami Moisesca huillaccunata Edom llactata jatun mandacpacman cacharca. Paicunataca: «Cambac huauqui Israelca: “Ñucanchicta tucui llaquicuna japishcataca yachanguimi.