ÉXODO 18:7 - Dios Rimashcata Quillcashcami

⁷ Shina nicpimi, Moisesca paipac suegrota tupangapac llucshishpa, cumurishpa mucharca. Shinallatac caishuc chaishuc “Allillachu canguichic” ninacushpami, carpa huasiman yaicurca.

ÉXODO 18:7 Iomraidhean Croise

GÉNESIS 14:17

Abram Quedarlaomertapish, caishuc jatun mandaccunatapish atishpa macashpa cutimucpica, Sodomamanta jatun mandacca Save pambapimi tupangapac rirca. Chai pambataca jatun mandacpac pamba nincunami.

GÉNESIS 18:2

Abraham huichailla ricushpaca, paipac ñaupapi quimsa runacuna shayacuctami ricurca. Abraham chaita ricushpa, chai carpa huasi pungumanta callpa rishpa, paicunahuan tupashpa, pambacaman cumurishpaca:

GÉNESIS 19:1

Ña chishiyagricucpimi, ishcai angelcunaca Sodoma puebloman chayarca. Chai pueblo yaicunapimi Lotca tiyacurca. Angelcuna ricuricpica, paicunata chasquingapacmi jatarishpa pambacaman cumurirca.

GÉNESIS 29:13

Labanca paipac panipac cari huahua shamushcata uyashpaca, callpashpami tupangapac rirca. Jacobohuan tupashpa, ucllarishpa muchashpami, huasiman pusharirca. Chaipimi Jacoboca tucui ima tucushcata parlarca.

GÉNESIS 31:28

Ñuca huahuacunatapish, ñuca ushicunatapish muchashpa, caya minchacaman nichunllapish mana saquishcanguichu. ¡Canca juizhu illac shinami ruhuashcangui!

GÉNESIS 43:26

José huasiman chayamucpica, paicuna apamushca convidanacunata apamushpami, paipac ñaupapi pambacaman cumurirca.

GÉNESIS 45:15

Joseca tucui huauquicunahuan ucllarishpami huacarca. Chai quipami, Josepac huauquicunaca paihuan parlarca.

GÉNESIS 46:29

Chaita yachashpami, Joseca paipac carretata allichishpa, Gosén llactapi paipac taita Jacobota tupangapac rirca. Paipac taitapac ñaupapi ricurishpaca, cungapi ucllarishpami, unaicaman huacarca.

2 SAMUEL 11:7

Urías ña Davidpacman chayamucpica, Davidca: «¿Joabca chai macanacuipica allillachu? ¿Israelcunapish allillachu? ¿Ima shinatac chai macanacuipica cancuna?» nishpa tapurca.

1 REYES 2:19

Chai quipami Betsabeca jatun mandac Salomonhuan, Adoniasmanta parlangapac rirca. Shina chayacpimi, jatun mandacca chasquingapac jatarishpa, paipac ñaupapi cumurirca. Chai quipaca, pai mandashpa tiyacushcapi cutin tiyarishpami, paipac mama tiyarichun shuc tiyarinata apamucpica, paipac alli ladomanmi tiyachirca.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

ÉXODO 18:6

Chaipimi Moisestaca: “Ñucaca cambac suegro Jetromi cani. Ñucami cambac huarmindi, cambac ishcai churicunandi cambacman shamunchic” nirca.

ÉXODO 33:7

Moisesca chai carpa huasitaca israelcunapac carpa huasimanta carupimi shayachirca. Chai huasitaca Dios-huan tupana huasitami shutichirca. Maijanpish Dios-huan tupasha nishpaca, chaimanta carupi shayachishca carpa huasimanmi rina carca.

ÉXODO 4:27

Mandac Diosca Aarontaca: —Shitashca pambapi Moisesta tupagri— nirca. Aarón tupangapac rishpa, Mandac Diospac urcupi Moises-huan tupashpa mucharca.

NÚMEROS 22:36

Balacca Balaam shamucucta yachashpami Arnón yacu chimba ladopi cac Moab llactapi cac shuc pueblopi tupangapac rirca. Chai puebloca moabitacunapac llacta tupanacuipimi carca.

SAN LUCAS 7:45

Canca mana mucharcangui, ashtahuanpish cai huarmica yaicumushcahuanmi, ñuca chaquita muchanata mana saquishca.

HECHOS 20:37

Chai quipaca, tucui chaipi caccunami Pablota ucllarishpa, muchashpa huacanacurca.

HECHOS 28:15

Chai pueblo criccuna ñucanchic shamucucta yachashpami, Apio pueblo plazapipish, Quimsa Chuclla pueblopipish tupangapac shamushca carca. Paicunata Pablo ricushpaca, Diosta pagui nishpa, cushicushpami sinchiyarca.

JUECES 11:34

Jefté Mizpa pueblopi cac paipac huasiman chayacucpica, paipac ushimi panderopi huactashpa, danzashpa tupangapac llucshirca. Ashtahuan shuctac ushitapish, churitapish mana charircachu. Paillami carca.

1 SAMUEL 17:18

Shinallatac chunga quesellota huaranga soldadocunata mandacman apai. Cambac huauquicuna ima shina cashcata ricumungui. Paicuna alli cashcata yachangapacca imallatapish paicunapacta apamungui— nirca.

1 SAMUEL 17:22

Davidca pai imalla apashcacunata micunatapish, macanacunatapish cuidac runaman saquishpami soldadocunapacman callpashpa rishpa, paipac huauquicunataca: “¿Allillachu canguichic?” nirca.