5 Moisesca shitashca pambapimi Mandac Diospac urcu ladollapi carpata shayachishpa tiyacurca. Chaimanmi Moisespac suegro Jetroca Moisespac huarmindi, Moisespac churicunandi chayarca.
Shina nicpimi, Eliasca jatarishpa micurca, yacutapish ubiarca. Chaita micushpaca, ña sinchiyashpami, chuscu chunga punzha, chuscu chunga tutata Diospac Horeb urcuman chayangacaman rirca.
Chaipimi Moisestaca: “Ñucaca cambac suegro Jetromi cani. Ñucami cambac huarmindi, cambac ishcai churicunandi cambacman shamunchic” nirca.
Quimsa punzhacamanca allichirishca cachun mandangui. Chai punzhami Sinaí urcu jahuaman tucui israelcuna ricucucpi shamusha.
Refidim pambamanta rishpaca, Sinaí shitashca pambaman chayashpami, Sinaí urcu chimbapurapi carpa huasita shayachishpa tiyarirca.
Mandac Diosca Sinaí urcu jahuaman shamushpami, Moisesta cayarca. Chashna cayacpimi, Moisesca chai urcu jahuaman huichai rirca.
Chashna nicpimi, Moisesca paita ayudac Josuehuan Diospac urcuman huichai rirca.
Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.
Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.
Mandac Diosca Aarontaca: —Shitashca pambapi Moisesta tupagri— nirca. Aarón tupangapac rishpa, Mandac Diospac urcupi Moises-huan tupashpa mucharca.