ÉXODO 18:4 - Dios Rimashcata Quillcashcami

⁴ Cutin Shuc churitaca: «Ñuca taitapac Diosmari Faraón espadahuan huañuchinamanta quishpichirca» nishpami Eliezerta shutichirca.

ÉXODO 18:4 Iomraidhean Croise

GÉNESIS 49:25

Cambac taitapac Diosca ayudangami. Imatapish ruhuaclla Diosmi jahua pachamanta tamyachishpa, mama cuchamanta yacu cachashpa, achca huahuacunayucta ruhuashpa bendicianga.

1 CRÓNICAS 23:15

Moisespac churicunaca: Gersón, shinallatac Eliezermi carca.

1 CRÓNICAS 23:17

Eliezerpac churi Rehabiaspish mandacmi carca. Eliezerca mana ashtahuan shuctac churicunata charircachu. Shina cashpapish Rehabiasca achca huahuacunatami charirca.

SALMOS 18:1

Mandac Dioslla, cantaca cuyanimi. Canca ñucapac jarcarina jatun pirca shinami cangui.

SALMOS 18:48

Piñaccunapac maquimanta quishpichingui. Ñucata llaquichiccunapac jahuapi ñucata churangui. Huañuchicpac maquimantami quishpichircangui.

SALMOS 34:4

Ñuca Mandac Diosta mashcacpica, paica uyarcami. Ñuca manchaihuan cacpica, paica quishpichircami.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

ÉXODO 10:28

Faraonca Moisestaca: —¡Ñucapac ñaupamanta anchuri! Ima punzhami ñucapac ñaupaman cutin shamungui, chai punzhami huañungui. Chaimanta ñucapac ñaupamanca, pacta shamunguiman— nirca.

ÉXODO 2:15

Faraonca chashna tucushcata yachashpami, Moisesta huañuchinata yuyarirca. Chaimantami Moisesca Faraonpac ñaupamanta miticushpa, Madián llactapi causangapac rirca. Chaipi causacushpami, yacu jundu ladopi tiyacurca.

ÉXODO 2:22

Chai huarmica shuc cari huahuatami charirca. Chai huahuataca: «Shucpac llactapi pozashpa causacllami cani» nishpami, Gersonta shutichirca.

ÉXODO 4:20

Moisesca paipac huarmitapish, huahuacunatapish burropi tiyachishpami Egiptoman cutirca. Dios cushca taunatapish apashpami cutirca.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

HECHOS 12:11

Chaimanta Pedro yuyaita japishpaca: «Cunanca, israelcunapac maquimantapish, Herodespac maquimantapish quishpichingapac Mandac Dios paipac angelta cachashcatami yachani» nirca.

HECHOS 7:29

Chaita uyashpami, Moisesca Madián llactaman miticushpa rirca. Chai caru llactapi causacushpami, ishcai churicunata charirca.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

HEBREOS 11:34

Manchana nina japiricuctapish huañuchircami. Espadahuan huañuchinamantapish atircami. Fuerza illac cashpapish fuerzayuc tucushpami, shuctac llacta piña gentecunatapish macanacushpa atirca.

HEBREOS 13:6

Chaimantami tucui shunguhuan: «Mandac Diosca ñucata ayudacmi. Pipish ñucata imata ruhuanamantaca mana manchanichu» ni pudinchic.