ÉXODO 18:25 - Dios Rimashcata Quillcashcami

²⁵ Moisesca israelcunapuramanta maijan allita ruhuac runacunata acllashpami, shuccunataca huarangata, shuccunataca patsacta, shuccunataca pichca chungata, shuccunataca chungata runata ricuchun churarca.

ÉXODO 18:25 Iomraidhean Croise

GÉNESIS 47:6

Egipto llactaca cambac maquipimi. Cambac taitatapish, cambac huauquicunatapish Gosén llactapi ashtahuan alli allpapi causachun churai. Paicunapuramanta maijan alli yuyaiyuc cacpica, ñuca animalcunata ricuchun churangui— nirca.

2 SAMUEL 18:1

Davidca paipac runacunata tandachishpami, huaranga soldadocunata, patsac soldadocunata mandachun churarca.

ÉXODO 18:21

Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.

ÉXODO 18:24

Moisesca paipac suegro nishcata uyashpami, pai nishca shinallatac tucuita ruhuarca.

NÚMEROS 1:16

Chaicunami ñaupa taita Israelpac cada ailluta pushaccuna, huasi ucupurata, shinallatac soldadocunata pushachun nishcacunaca carca.

NÚMEROS 1:4

Cada aillumanta huasi ucupurata cancunataca ayudanga.

NÚMEROS 11:16

Shina nicpimi, Mandac Diosca Moisestaca: —Israelcunata pushac yuyacpuramanta canchis chunga runacunata acllai. Paicunaca israelcunata pushac yuyaccunami cana can. Paicunata ñucahuan tupana huasi yaicunaman pushashpa, chaipi shuyangui.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

DEUTERONOMIO 1:15

Chaimantami cancunapac aillupuramanta alli yachac, imatapish allita ruhuac runacunataca patsacta mandacta, pichca chungata mandacta, chungata mandacta churarcani. Shinami cancunapac ailluta pushachun churarcani.