ÉXODO 18:21 - Dios Rimashcata Quillcashcami

²¹ Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.

ÉXODO 18:21 Iomraidhean Croise

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

GÉNESIS 47:6

Egipto llactaca cambac maquipimi. Cambac taitatapish, cambac huauquicunatapish Gosén llactapi ashtahuan alli allpapi causachun churai. Paicunapuramanta maijan alli yuyaiyuc cacpica, ñuca animalcunata ricuchun churangui— nirca.

2 SAMUEL 18:1

Davidca paipac runacunata tandachishpami, huaranga soldadocunata, patsac soldadocunata mandachun churarca.

2 SAMUEL 23:3

Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

1 REYES 18:3

Chaimantami Acabca paipac mandana huasipi ricuchun churashca Abdiasta cayarca. Abdiasca Mandac Diosta manchac runami carca.

ESDRAS 7:25

Shinallatac can Esdrasca cambac Diosmanta yachac cashca shinallatac, jatun yacu chimba ladopi causaccunata, Dios mandashcata tucui yachaccunata mandachun juezcunata, mandaccunata churangui. Chai mandashcacunata maijan mana yachacpica yachachingui.

NEHEMÍAS 5:9

ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?

NEHEMÍAS 7:2

Chai quipaca ñuca huauqui Hananita, shinallatac uchilla pueblota mandac Ananiastaca Jerusalenpi tiyac torrepi cuidaccunata mandachunmi churarcani. Paicunaca cashcata ruhuac, Diosta manchaccunami carca.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

JOB 29:16

Imata mana chariccunapacca taita shinami carcani. Imata mana yachaccunamantaca ñucami rimac carca.

JOB 31:13

Ñucata servic carihuan, huarmihuan piñarishpa, paicuna japina cashcata mana cushca cashpaca.

SALMOS 15:1

Mandac Dioslla, ¿canhuan tupana huasipica maijancunallatac causagringa? ¿Maijancunallatac cambaclla chicanyachishca urcupica causagringa?

SALMOS 15:5

cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!

ÉXODO 17:9

Chaimantami Moisesca Josuetaca: —Israelcunamanta maijancunata acllashpa amalecitacunahuan macanacungapac llucshi. Ñucaca Mandac Diospac varahuanmi caya tutamanta urcu jahuapi shuyacusha— nirca.

ÉXODO 18:25

Moisesca israelcunapuramanta maijan allita ruhuac runacunata acllashpami, shuccunataca huarangata, shuccunataca patsacta, shuccunataca pichca chungata, shuccunataca chungata runata ricuchun churarca.

PROVERBIOS 28:2

Llactapi causaccuna mana cazushcamantami mandaccunaca shuctac shuctac ricurin. Ashtahuanpish yachaisapa mandacca pipish mana cuyuchipac mandacunllami.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

ISAÍAS 16:5

Chai quipami Davidpac huahua huahuapuramanta shuc mandac llucshinga. Paimi David shayachishca carpa huasipica cuyaihuan mandanga. Paimi piñaccunataca llaquichishpa, cashcata ruhuashpa mandanga.

ISAÍAS 33:15

Maijanpish cashcata ruhuac, mana llullac, pimanta quichushpa mana chayucyac, allita ruhuangapac imata mana pacalla japic, huañuchina yuyaita mana uyasha nic, ima mana allita mana ricusha nicmi

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

JEREMÍAS 5:1

Mandac Diosca: «Cunanca, Jerusalén ñancunapi purishpa alli ricuichic. ¿Cashcata ruhuac, allita mashcac runaca tiyanchu? Plazacunapi mashcaichic. Shuc runallapish allita ruhuac tiyacpica, Jerusalentaca quishpichishami.

EZEQUIEL 18:8

Cullquita mañachishpapish interestaca mana japinchu. Pitapish mana millaita ruhuanchu. Runacunapura piñanacucucpipish, cashcata ruhuashpami allichin.

EZEQUIEL 22:12

Maijanca huañuchingapacmi cullquita japin. Cullquita mañachishpapish yalli interestami japin. Shuccunata llaquichinguimi. Ñucataca cungarircami. Chaitaca Mandac Dios ñucami nini.

ZACARÍAS 7:9

«Tucuita Mandac Dios ñucaca: “Cashcata ruhuashpa taripanguichic. Tucui mashna cuyanacuichic, llaquinacuichic.

ZACARÍAS 8:16

Cancunaca caicunatami ruhuana canguichic: Caishuc-huan chaishuc-huan cashcallata parlaichic. Cashcallata ruhuashpa taripaichic. Chashna ruhuashpami cushilla causanguichic.

NÚMEROS 1:16

Chaicunami ñaupa taita Israelpac cada ailluta pushaccuna, huasi ucupurata, shinallatac soldadocunata pushachun nishcacunaca carca.

NÚMEROS 1:4

Cada aillumanta huasi ucupurata cancunataca ayudanga.

NÚMEROS 10:4

Shuc trompetalla tocashca uyaricpica, Israel aillucunata mandaccunallami canhuanca tandanacunga.

SAN LUCAS 18:2

«Shuc pueblopimi, Diostapish mana manchac, pitapish mana llaquic shuc juez causarca.

SAN LUCAS 18:4

Juezca pai mañashcata mana utca ruhuarcachu. Ashtahuanpish juez shungupi yuyarishpaca: “Diostapish mana manchanichu, pitapish mana llaquinichu.

HECHOS 20:33

Ñucaca pipac cullquitapish, curitapish, churanatapish mana munarcanichu.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

DEUTERONOMIO 22:18

Shina nicpica, chai llactata pushac yuyaccunaca chai runata japishpa macangami.

1 TIMOTEO 3:3

mana machac, piñanacunatapish mana munac, cullquita charingaraicu ima mana allitac mana ruhuac, chaipac randica pitapish llaquic, ima piñanacui tiyacpipish allichic,

JOSUÉ 22:14

Finees-huanca Israel aillucunapac taitacunapac familiacunata mandac chunga runacunatami cacharca. Paicunaca huaranga huaranga israelcunapac taitacunapac huasi ucupuramanta mandaccunami carca.

1 SAMUEL 8:12

Shuccunataca huaranga soldadocunata mandachun, shuccunataca pichca chunga soldadocunata mandachunmi churanga. Shinallatac shuctaca paipac allpacunapi yapushpa tarpuchun, chai chagracunatapish tandachichunmi churanga. Shuccunataca macanacunata ruhuachunpish, carretacunapi ima minishtishcacunata ruhuachunpish churangami.

1 SAMUEL 8:3

Ashtahuanpish churicunaca paicunapac taita shinaca mana causarcacunachu. Paicunaca charicyangaraicu cullquita pacalla japishpami cashcataca mana ruhuarcacuna.