ÉXODO 18:1 - Dios Rimashcata Quillcashcami

¹ Moisespac suegro Jetroca Madianpimi cura carca. Paica Mandac Dios Moisestapish, Dios acllashca israelcunatapish imata ruhuashcata, shinallatac Egiptomanta israelcunata ima shina llucchishcatami yachac chayarca.

ÉXODO 18:1 Iomraidhean Croise

SALMOS 105:43

Chashnami paipac gentecunataca cushicuihuan llucchirca. Pai acllashcacunaca cushicuihuanmi cantashpa llucshirca.

SALMOS 105:5

Pai ruhuashca sumaimanacunatapish, jatun mancharinacunata ruhuashcatapish, paipac shimihuan rimashpa llaquichinatapish yuyarichicyari.

SALMOS 106:2

¿Pitac Mandac Dios sumaimanacunata ruhuashcataca huillai pudingayari? ¿Pitac paita tucui alabanacunataca uyachingayari?

SALMOS 34:2

Mandac Dios-huanmi ñuca almaca cushicun. Mana utca piñaric shungucuna caita uyashpaca cushicungami.

SALMOS 44:1

Ñuca Dioslla, ñaupa huatacunapi, ñucanchic taitacuna causai punzhacunapi cai tucui allicunata ruhuashcataca ñucanchic ringrihuantacmi uyashcanchic. Chaitaca ñucanchic taitacunami parlarca.

SALMOS 78:4

Paicunapac huahuacunapac ñaupapica mana upalla saquirinachu canchic. Mandac Diosta alabana cashcatapish, pai sumaimanacunata ruhuashcatapish quipa huahua huahuacunaman parlanami canchic.

ÉXODO 2:16

Madián llactapi causac curami canchis ushita charirca. Paicunaca yacuta llucchishpa, rumi bateacunapi jundachishpa, taitapac ovejacunaman ubiachingapacmi shamurca.

ÉXODO 2:18

Chai solteracuna paipac taita Reuelpacman cutimucpi taitaca: —¿Ima nishpatac utca cutimunguichic?— nirca.

ÉXODO 2:21

Moisés Reuelpac huasipi causangapac saquisha nicpimi, paica paipac ushi Seforahuar cazarachirca.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

ÉXODO 6:6

Chaimanta israelcunataca: “Ñucami Mandac Dios cani. Ñucami Egiptomanta, shinallatac chaipi llaquita trabajacushcamanta llucchisha. Egipto gentecuna llaquichishpa charicushcamanta maquita alzashpa, mancharinacunata ricuchishpa llucchisha.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

NÚMEROS 10:29

Moisespac suegroca Madianmanta Reuelmi carca. Paipac churi Hobabtami Moisesca: —Ñucanchicca Mandac Dios cusha nishca llactamanmi ricunchic. Canpish ñucanchic-huan jacu. Mandac Dios ñucanchic-huan allimi casha nishca shinallatacmi canhuanpish alli cashun— nirca.

HECHOS 14:27

Antioquía puebloman chayashpaca, chaipi causac tandanacushca criccunatami tandachirca. Chashna tandachishpami, Dios paicunahuan cacpi, ima allicunata ruhuashcatapish, mana israelcunacaman quishpirichun Dios saquishcatapish parlarca.

HECHOS 15:12

Shina nicta uyashpami, tucui gentecuna upalla tucushpa, Bernabepish, Pablopish Dios-huan cashpa, mana israelcunapac ñaupapi milagrocunata, mancharinacunata ruhuashcata parlashcata uyarcacuna.

ROMANOS 15:18

Chaica, mana israelcuna Diosta cazuchun, Cristo ñucata imata ruhuashcallatami rimasha nini. Chaitaca mana rimarcanillachu, ashtahuanpish ruhuarcanimi.

JOSUÉ 2:10

Cancuna Egiptomanta llucshicucpi, cancuna pasachun, Puca Cuchata Mandac Dios chaquichishcata, shinallatac Jordán yacu chimba ladopi causac amorreocunata jatun mandac Sehontapish, Ogtapish imata ruhuashcataca yachanchicmi. Paicunata tucui tucuchishcata uyarcanchicmi.

JOSUÉ 9:9

Shina tapucpi paicunaca: —Canta servic ñucanchicca caru llactamantami shamunchic. Chaica, canta Mandac Dios mai allicunata ruhuashcata shinallatac Egiptopi imata ruhuashcata yachashpami shamunchic.

JUECES 1:16

Moisespac suegro Ceneopac huahuacunami palmacuna tiyac pueblomanta Judá ailluhuan, Judá shitashca pambaman rirca. Chai pambaca Arad pueblo ladollapi cac Neguev pambami carca. Paicunaca chai gentecunahuanmi causangapac saquirirca.

JUECES 4:11

Ceneocunapuramanta Heberca Moisespac suegro Hobabpac huahua huahuacunaca caishuc ceneocunapuramanta raquirinacushca Cedes pueblo ladopi cac Zaanaim pambapi tiyac encina yura cuchupimi carpa huasita shayachishpa tiyacurca.