ÉXODO 17:6 - Dios Rimashcata Quillcashcami

⁶ Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

ÉXODO 17:6 Iomraidhean Croise

NEHEMÍAS 9:15

Yarcachicpipish, jahua pachamantami tandata curcangui. Yacunayachicpipish, rumi quingraimantami yacuta llucchishpa ubiachircangui. Can cushami nishpa ari nishca, llactaman yaicushpami, allpata japinguichic nircangui.

SALMOS 105:41

Rumi quingraita chaupishpami yacuta llucchirca. Chai yacuca chaquishca allpacunatami jatun yacu tucushpa callparca.

SALMOS 114:8

Paimi chaquishca rumi quingraitaca yacu junduta ruhuarca. Jatun rumitaca yacu tucyacuctami ruhuarca.

SALMOS 46:4

Shuc jatun yacumi jahua pachapi causac Diospac pueblopi tiyac paipaclla huasita cushichicun.

SALMOS 74:15

Canmi yacu junducunatapish, callpac yacucunatapish llucchircangui. Pi mana jarcaipac jatun yacutapish chaquichircangui.

SALMOS 78:18

Dios ima shina cacta ricungapacmi paicuna munashca micunata mañarcacuna.

SALMOS 78:20

Riqui, rumi quingraita paquishpami yacuta llucchishpa, pambacunapi caita chaita callpacucta ruhuarca. Chashna ruhuacpipish, ¿tandata carai pudingachu? ¿Pai acllashcacunaman aichata carai pudingachu?» nircacuna.

SALMOS 81:7

Llaquipi cashpa ñucata caparicpica quishpichircanimi. Tulun nicuc chaupimantami cutichircani. Meriba yacu ladopimi cancuna ima shina cashcata yacharcani.

ÉXODO 14:16

Israelcunaca cucha chaupita chaquishca allpata shina pasachun, cambac varata alzashpa, cuchata ishcaipi chaupi.

ÉXODO 16:10

Tucui tandanacushca israelcunata Aarón rimacucpimi, paicunaca shitashca pambata chaparca. Chaipica Mandac Diospac sumaimana achicmi puyupi cungailla ricurirca.

ISAÍAS 48:21

Chaquishca pambata pushacpipish mana yacunayachircacunachu. Rumimantami yacuta llucchirca. Jatun rumi quingraita paquicpimi, yacuca callparca” ninguichic» ninmi.

NÚMEROS 20:8

«Cambac varata japishpa, cambac huauqui Aaronhuan ishcai tucushpa, tucui israelcunata tandachishpa, paicunapac ñaupapi jatun rumita rimai. Shina rimacpica, chai rumimantaca yacumi llucshinga. Chai yacutaca israelcunamanpish, paicunapac animalcunamanpish ubiachingui» nirca.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

DEUTERONOMIO 1:2

Horeb urcumanta Seir urcuta rishpa, Cades-barneaman chayangapacca chunga shuc punzhatami purina carca.

DEUTERONOMIO 8:15

Paimi huañuchic culebracuna, alacrancuna tiyac, maipipish mana yacu tiyac, shitashca pambata pushamurca. Yacunayachicpipish, paimi sinchi rumimanta yacuta llucchirca.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.