ÉXODO 17:1 - Dios Rimashcata Quillcashcami

¹ Mandac Dios mandashca shinallatacmi tandanacushca israelcunaca Sin shitashca pambamanta allimanta llucshirca. Shina llucshishpaca, Refidim shitashca pambaman chayashpa, carpa huasita shayachirca. Chaipica, ima yacu mana tiyarcachu.

ÉXODO 17:1 Iomraidhean Croise

ÉXODO 15:22

Moisés israelcunata Puca Cuchamanta pushacpica, shitashca Shur pambamanmi rirca. Chaipi quimsa punzhata, maipi yacuta mana tarishpa puricushpami, Mara pambaman chayarca.

ÉXODO 16:1

Israelcunaca tucui tandanacushpami, Elimmanta llucshishpaca, Sin shitashca pambaman chayarca. Chaica Elimhuan, Sinaihuan tupanacuipimi carca. Chaimanca Egiptomanta llucshishcamanta quilla chunga pichca punzhapimi chayarca.

ÉXODO 17:8

Refidim pambapimi amalecitacunaca israelcunahuan macanacungapac shamurca.

ÉXODO 19:2

Refidim pambamanta rishpaca, Sinaí shitashca pambaman chayashpami, Sinaí urcu chimbapurapi carpa huasita shayachishpa tiyarirca.

NÚMEROS 20:2

Chai llactapi yacu mana tiyashcamantami tucui israelcunaca Moisestapish, Aarontapish rimarirca.

NÚMEROS 9:17

Dios-huan tupana huasi jahuamanta puyu anchuricpica, israelcunapish ric callarircami. Puyu maipi shayaricpica, paicunapish carpa huasicunata shayachishpami tiyaric carca.

NÚMEROS 9:23

Israelcunaca Mandac Dios mandacpimi, maipi tiyarina cacpipish, tiyaric carca. Mandac Dios mandacpimi, ric carca. Chashnami Moisesman Mandac Dios mandashca shinallatac tucuita ruhuarca.