ÉXODO 16:35 - Dios Rimashcata Quillcashcami

³⁵ Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

ÉXODO 16:35 Iomraidhean Croise

NEHEMÍAS 9:15

Yarcachicpipish, jahua pachamantami tandata curcangui. Yacunayachicpipish, rumi quingraimantami yacuta llucchishpa ubiachircangui. Can cushami nishpa ari nishca, llactaman yaicushpami, allpata japinguichic nircangui.

NÚMEROS 32:13

Mandac Diosca israelcunahuan nina japiric shina piñarishpami chuscu chunga huatata shitashca pambapi saquirca. Chashnami tucui mana allita ruhuac paicunapac huahua huahuacuna huañungacaman carca.

NÚMEROS 33:38

Chaipi cashpami Mandac Dios mandashca shinallatac Aarón curaca Hor urcuman huichai rishpa chaipi huañurca. Israelcunaca Egiptomanta llucshimushcaca chuscu chunga huatami tucurca. Chai huata pichca quilla callari punzhapimi paica huañurca.

HECHOS 7:36

Chai Moisesmi israelcunata Egiptomanta mancharinacunata ruhuashpa, Puca Cucha chaupita llucchimurca. Shinallatac shitashca pambapipish chuscu chunga huatatami carca.

1 CORINTIOS 10:3

Tucui paicunami Dios cushca micunata micurcacuna.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

DEUTERONOMIO 29:4

Chashna cacpipish, Mandac Diosca cunancamanmi chaicunata entendichunca yuyaitapish, ñahuitapish, ringritapish mana cushca.

DEUTERONOMIO 8:4

Cancuna chuscu chunga huatata puricucpica, churanapish mana maucayarcachu. Chaquipish mana punguircachu.

JOSUÉ 5:12

Chai llactapi pucushca granocunata micui callarishca cayandi punzhaca maná shuti micunaca tucurircami. Israelcunaca maná shuti micunataca mana ashtahuan charircacunachu. Ashtahuanpish chai huatacunaca ñami Canaán llactapi pucushca granota micurca.