ÉXODO 16:32 - Dios Rimashcata Quillcashcami

³² Moisesca: —Mandac Diosca: “Ñuca Egipto llactamanta llucchishpa, shitashca pambapi carashca tandata shuc gomer jundata pallashpa, cancunapac huahua huahuacuna ricuchun huacaichichic” nishpami mandarca— nirca.

ÉXODO 16:32 Iomraidhean Croise

SALMOS 105:5

Pai ruhuashca sumaimanacunatapish, jatun mancharinacunata ruhuashcatapish, paipac shimihuan rimashpa llaquichinatapish yuyarichicyari.

ÉXODO 16:16

Caica, Mandac Dios cachashcami. Caitaca tucui mashna micuna pactallata pallanguichic. Carpa huasipi mashna cashcata ricushpa, cada shuc, shuc gomerta pallanguichic— nirca.

ÉXODO 16:31

Chai tandataca israelcunaca maná nishpami shutichirca. Chaica culantro muyu shina, yuracmi carca. Shinallatac abeja mishquita churashca galleta shina mishquimi carca.

ÉXODO 16:33

Moisesca Aarontaca: —Quipa huiñaicunaman shuc gomer junda tandata puñupi pallashpa, Mandac Diospac ñaupapi huacaichichic— nirca.

JEREMÍAS 7:23

Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.

OSEAS 11:4

Ñucaca, paicunataca cuyac shunguhuanmi pusharcani. Cungamanta yugota anchuchic shinami, paicunata samachircani. Llullu huahuata shinami cuyaihuan ñucapacman pushamushpa, micunatapish cumurishpa cararcani.

SAN LUCAS 22:19

Shinallatac tandata japishpa Diosta pagui nishpa, chaupishpa chaupishpa cushpaca: —Caica, cancunamanta cushca ñuca cuerpomi. Ñucata yuyarishpa, cashna ruhuacunguichiclla— nirca.

HEBREOS 2:1

Chaimantami alli ñanta mana chingachingapac ñucanchic uyashcataca yuyarashpa cana canchic.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.