ÉXODO 15:7 - Dios Rimashcata Quillcashcami

⁷ Cambac poderhuanmi canta piñaccunata tucuchircangui. Can piñarishpaca chaquishca pangata shinami tucuchircangui.

ÉXODO 15:7 Iomraidhean Croise

JOB 9:4

Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

SALMOS 59:13

Piñarishpa tucuchiyari. Paicuna ama ashtahuan ricurichun chingachiyari. Chashna ruhuacpimi, can Diosca Jacobopac huahuacunamanta callarishpa tucui cai pachata mandacushcata yachangacuna.

SALMOS 68:33

Jahua pachamanta ashtahuan jahua pachapimi caballopi montashpa utca huatamanta pacha puricun. Pai jatun poderhuan rimashcata uyaichicyari.

SALMOS 83:13

Dioslla, paicunataca acapana huaira sacha pangata ruhuac shina ruhuaiyari. Tamota huaira apac shina cachaiyari.

ÉXODO 14:27

Chaimantami Moisesca maquita cucha jahuata chutarca. Shina chutacpimi, pacaricucpi yacuca cutishpa, Egipto runacuna atishpa ricucpipish, tucui taparca. Chashnami Mandac Diosca Egipto runacunata chaupi yacupi ucuyachirca.

ÉXODO 5:12

Chaimantami israelcunaca tucui Egipto llactata rishpa, ucshapac randica tamota mashcangapac rirca.

ÉXODO 9:16

Ashtahuanpish ñuca imatapish ruhuai pudic cashcata ricuchingapac, cai pachapi causaccunaman ñuca pi cashcata ricuchingapacmi mana chashna tucuchircani.

ISAÍAS 37:17

Mandac Dioslla, cambac ringrihuan uyaiyari. Mandac Dioslla, cambac ñahuita pascashpa ricuiyari. Senaquerib causac Diosta camishpa rimachun cachashcata uyaiyari.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 37:38

Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

ISAÍAS 47:14

Riqui, paicunaca ucsha shinami canga. Paicunataca ninami rupachinga. Chaimantaca mana quishpiri pudingachu. Chai ninaca mana masharingapacchu. Mana cunuringapacchu.

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

JEREMÍAS 10:6

¡Mandac Dioslla, can shinaca pi mana tiyanchu! Canllami jatun cangui. Cambac shutica jatun poderyucmi.

MIQUEAS 4:11

Cunanca, achca llactacunami canta llaquichingapac tandanacushpa: «¡Sionta sarushpa yangallata ruhuashpa, tucuchishcataca ñucanchic ñahuihuantacmi ricusha ninchic!» nincuna.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

ZACARÍAS 2:8

Maijanpish cancunata llaquichicca ñuca ñahui muruta tucsic shinami llaquichin. Ñucata jatunyachishca quipami cancuna ima charishcata quichuccunapac llactacunaman cachasha. Chaitaca tucuita Mandac Dios ñucami» nini.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

HECHOS 9:4

Chaimanta Saulo pambaman urmashpaca: —Saulo, Saulo, ¿ima nishpatac ñucata llaquichicungui?— nishcatami uyarca.

DEUTERONOMIO 33:26

¡Jesurunpac Dios shinaca, mana shucca tiyanchu! Paica, jatun cashcahuanmi puyu jahuapi tiyarin. Paica canta ayudangapacmi jahua pachapi tiyarin.

DEUTERONOMIO 4:24

Mandac Diosca paipaclla cachunmi munan. Paica rupachishpa tucuchic nina shinami.

HEBREOS 12:29

Chaica, ñucanchic Diosca tucuita rupachic nina llama shinami.