ÉXODO 15:6 - Dios Rimashcata Quillcashcami

⁶ Mandac Dioslla, cambac alli maquica jatun poderyuc sinchi maquimi. Mandac Dioslla, cambac maquihuanmi piñaccunataca tucuchircangui.

ÉXODO 15:6 Iomraidhean Croise

SALMOS 17:7

Canmi llaquichiccunapac maquimanta cambac alli maquihuan quishpichingui. Can yallita cuyashpa, sumaimanacunata ruhuashcata canpi shunguta churaccunaman ricuchiyari.

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

SALMOS 24:8

¿Pitac achic nicuc Jatun Mandacca? ¡Paica tucuita ruhuac yallita sinchi Mandac Diosmi! ¡Paica macanacuita mishac Mandac Diosmi!

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

SALMOS 44:4

Ñuca Dioslla, canca ñuca Jatun Mandacmi cangui. Jacobopac huahuacunata quishpichiyari.

SALMOS 60:5

Ñuca mañashcata uyashpa cambac cuyashcacunataca cambac alli maquihuan quishpichiyari. Ñuca mañacucta uyaiyari.

SALMOS 74:11

¿Ima nishpatac cambac maquita pacanguiyari? ¿Ima nishpatac tucuita ruhuac cambac maquitaca cruzashpa shayacunguiyari?

SALMOS 77:10

Shinallatac: «Diospac alli lado maquica ñucata ña mana ayudanchu» nishpami yallita llaquihuan cani.

SALMOS 89:14

Can mandashpa tiyarina callari rumi shinaca cashcata ruhuana, imatapish allita ruhuanami. Cambac ñaupataca llaquina, cashcata nina yuyaimi ricun.

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

ÉXODO 15:12

Cambac alli maquita chutacpica, allpapish millpurcami.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ÉXODO 18:8

Moisesca Mandac Dios israelcunaman allita ruhuashpa, Faraontapish, Egipto runacunatapish imata ruhuashcatapish, ñanpi llaquicunata apashcatapish, Mandac Dios ima shina Egiptomanta llucchishcatapish paipac suegroman tucui parlarcami.

ÉXODO 3:20

Chaimantami Egipto runacunataca ñuca maquihuan jatun mancharinacunata ruhuashpa llaquichisha. Chashna ruhuacpica, cancunataca cacharingallami.

ÉXODO 6:1

Shina nicpimi, Mandac Diosca Moisestaca: —Cunanmi ñuca Faraonta imata ruhuacta ricungui. Ñuca poderhuan llaquichicpimi cacharinga. Sinchita llaquichicpimi, paipac llactamanta llucchishpa cachanga— nirca.

ISAÍAS 30:14

Cancunaca allpa plato paquiric shinami ñuturinguichic. Chashna paquirishpaca nina bradasta llucchingapacllapish, mana cashpaca yacuta jundumanta llucchingapacllapish mana puchungachu» ninmi.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 63:12

¿Pitac poderhuan Moisesta ayudashpa pushamurca? ¿Pitac paicunapac ñaupapi jatun cucha chaupita pasachishpa, huiñaita yuyarina shuti tucurca?

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

APOCALIPSIS 2:27

Ima shinami ñuca Taita ñucaman mandanata curca, shinallatacmi paicunamanpish cusha. Shina cucpica fierro varahuan mandashpami, allpa mangata shina ñutuchinga.

1 SAMUEL 2:10

Mandac Diosta piñaccunataca paillatacmi ñutuchishpa chingachinga. Paicunata llaquichingapacca jahua pachamantami tulun ninga. Tucui cai pachapi causaccuna ima ruhuashcataca Mandac Diosmi ricuchinga. Pai acllashca jatun mandaccunamanpish paimi yachaita cunga. Aceitehuan cahuishpa paipacllata ruhuashcacunataca paimi imatapish ruhuacllata ruhuanga» nirca.