ÉXODO 15:5 - Dios Rimashcata Quillcashcami

⁵ ¡Rumi shinami cuchapi ucuyarca! Achca ucu yacumi paicunata taparca.

ÉXODO 15:5 Iomraidhean Croise

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

SALMOS 106:11

Yacu tapacpimi, paicunata piñaccunaca shucllapish mana saquirirca.

ÉXODO 14:28

Chashna catishpa ricucpimi, cutin yacu tandarishpa carretacunatapish, caballopi ric soldadocunatapish, Egipto runacunatapish tucui taparca. Paicunamantaca shucllapish mana saquirircachu.

ÉXODO 15:10

Mama cuchata pucushpami, paicunata tucuita taparcangui. ¡Llashac plomo shinami, timbucuc yacupica ucuyarca!

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

PROVERBIOS 8:24

Manarac mama cucha tiyacpi, tucyac yacu junducuna manarac tiyacpimi ña tiyarcani.

EZEQUIEL 27:34

Cunanca mama cucha chaupipimi cambac catunacunapish, tucui cambac gentecunapish canhuan pacta yacupi tucurishca.

JONÁS 2:2

mañashpaca: «Ñuca llaquihuan cashpa, Mandac Dios canta mañacpica, uyarcanguimi. Seolmanta caparishpa mañacpica, ñuca mañashcata uyarcanguimi.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

SAN MATEO 18:6

Maijanpish cai huahuacuna shina ñucata caticcunata juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

APOCALIPSIS 18:21

Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.