ÉXODO 15:27 - Dios Rimashcata Quillcashcami

²⁷ Chaimantaca Elim pambamanmi chayarca. Chaipica chunga ishcai tucyac yacupish, canchis chunga ramos yurapishmi tiyarca. Chai yacu ladopimi carpacunata shayachishpa tiyarca.

ÉXODO 15:27 Iomraidhean Croise

SALMOS 23:2

Llullu quihua pambacunapimi ñucataca samachinga. Casilla tiyacuc yacu cuchupimi michinga.

ÉXODO 16:1

Israelcunaca tucui tandanacushpami, Elimmanta llucshishpaca, Sin shitashca pambaman chayarca. Chaica Elimhuan, Sinaihuan tupanacuipimi carca. Chaimanca Egiptomanta llucshishcamanta quilla chunga pichca punzhapimi chayarca.

ISAÍAS 12:3

Cancunaca cushicushpami, quishpichic yacu jundumantaca yacuta llucchinguichic.

EZEQUIEL 47:12

Cutin cai ishcai yacucuna patapica caishuc ladomanpish, chaishuc ladomanpish chican granocunata pucuc yuracunami huiñanga. Pangacunapish mana urmangachu, micunapish chai yuracunapica mana tucuringachu. Ashtahuanpish cada quillami mushuc granota pucunga. Chai yacucunaca Diospaclla huasimantami llucshicunga. Chaimantami chai yuracunapi granoca pucuna punzhacunallapitac pucunga. Granoca micungapac, pangacunaca jambiringapacmi alli canga.

NÚMEROS 33:9

Mara pambamanta llucshishpaca, chunga ishcai yacu junducuna, canchis chunga palmera yuracuna tiyac Elimpimi carpa huasita shayachishpa tiyarirca.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.