ÉXODO 15:24 - Dios Rimashcata Quillcashcami

²⁴ Chaimantami israelcuna piñarishpa, Moisestaca: —¿Ima yacutatac ubiashun?— nishpa rimarirca.

ÉXODO 15:24 Iomraidhean Croise

SALMOS 106:13

Ashtahuanpish Dios ruhuashcacunata utca cungarishpami can yuyaita cuchunca mana shuyarcacuna.

ÉXODO 14:11

Moisestaca: —Cai shitashca pambapi ñucanchic huañungapacca, ¿manachu Egiptopi panteonca tiyarca? ¿Caita ruhuangapacchu Egiptomanta llucchimurcangui?

ÉXODO 16:2

Tucui tandanacushca israelcuna shitashca pambapi cashpaca Moisestapish, Aarontapish piñashpa rimarircacunami.

ÉXODO 5:21

Shina tupashpaca: —Cancunallatacmi ñucanchictaca Faraonpac ñaupapi millanata ruhuashcanguichic. Cancunallatacmi ñucanchicta huañuchichun, espadata paicunapac maquipi churac shina ruhuashcanguichic. Chaita ruhuashcamantaca Mandac Diosllatac ricushpa taripashpa llaquichichun— nirca.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

NÚMEROS 16:11

Canpish, canta caticcunapish mana Aarontachu llaquichishcanguichic, ashtahuanpish Mandac Diostami llaquichishcanguichic. ¿Aaronca pitac canyari?— nirca.

NÚMEROS 16:41

Cayandi punzhaca tucui israelcuna Moisestapish, Aarontapish rimashpaca: «Cancunaca Mandac Dios acllashca gentecunatami huañuchircanguichic» nishpa rimarirca.

NÚMEROS 17:10

Mandac Diosca Moisestaca: «Aaronpac taunataca israelcuna ñucata mana cazushcata yuyarichun, ari nishca quillcata huacaichina Arca ñaupallapitac churai. Chaica ñucata mana cazushpa rimaccunapac shuc señalmi canga. Shinallatac paicunaca ña mana huañungachu» nirca.

NÚMEROS 21:5

Mandac Diostapish, Moisestapish rimarishpaca: «¿Imapactac ñucanchicta Egiptomanta cai shitashca pambapi huañuchun llucchimurcanguichic? Caipica yacupish, micunapish mana tiyanchu. Cai micunataca ña mana micunayanchu» nirca.

SAN MATEO 6:25

Chaimantami ñucaca: Ama: “¿Imatatac micushun, imatatac ubiashun, imatatac churarishun?” nishpa, chai yuyailla canguichicchu. Causaimari micunatapish ashtahuan yalli valin. Cuerpomari, churanata ashtahuan yalli valin.

1 CORINTIOS 10:10

Paicunapuramanta maijancuna shina, ama Diosta rimashpa piñachichicchu. Chashna piñachishcamantami, chai huañuchic ángel shamushpa huañuchirca.

FILIPENSES 2:14

Ama huashalla rimanacushpa, ama piñanacushpa imatapish ruhuaichicchu.

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.