ÉXODO 15:20 - Dios Rimashcata Quillcashcami

²⁰ Chaimantami Aaronpac pani, Dios ima nishcata huillac Mariaca panderota japishpa, huactai callarirca. Shina huactacpica, shuctac huarmicunapish cantashpa, danzashpami catirca.

ÉXODO 15:20 Iomraidhean Croise

GÉNESIS 31:27

¿Ima nishpatac mana huillashpa, miticushpa llucshishpa ñucataca umarcangui? Ñucaca can llucshigricushcata yachashpaca, cushicushpa tamboracunahuan, arpacunahuan caya minchacaman nimanmi carcani.

2 SAMUEL 1:20

Gat pueblopi causaccunamanpish, Ascalón pueblo plazapipish, ama parlanguichicchu. Filisteocunapac, circuncisionta mana ruhuashca huarmicuna ama cushicuchun.

2 SAMUEL 6:14

Shinallatac linomanta ruhuashca efot churanata churarishpami, Davidca Mandac Diospac ñaupapi danzarca.

2 SAMUEL 6:16

Mandac Diospac Arcahuan David paipac puebloman saltarishpa, danzashpa shamucucta Saulpac ushi Mical ventanamanta ricushpami, paipac shungupi Davidca mana allichu nirca.

2 SAMUEL 6:5

Davidpish, tucui israelcunapish cushicushpami caspimanta ruhuashca arpapi, panderopi, salteriopi, flautapi, cimbalopi tocashpa Mandac Diospac ñaupapi danzarca.

2 REYES 22:14

Shina nicpimi, Hilcías curapish, Ahicam, Acbor, Safán, Asaías runacunapish Dios ima nishcata huillac Huldapacman rishpa parlarcacuna. Paica curacunapac churanata cuidac Salumpac huarmimi carca. Salumca Ticvapac churimi carca. Ticvaca Harhaspac churimi carca. Hulda huarmica Jerusalenllapitacmi quipata ruhuashca uchilla pueblopi causarca.

1 CRÓNICAS 15:16

Shinallatac Davidca levitacunata mandaccunataca: “Salteriopi, arpapi, platillocunapi sinchita tocashpa cantashpa richun cancunapac aillucunata acllaichic” nirca.

1 CRÓNICAS 6:3

Amrampac churicunaca: Aarón, Moisés shinallatac paicunapac pani Mariami carca. Aaronpac churicunaca: Nadab, Abiú, Eleazar, shinallatac Itamarmi carca.

NEHEMÍAS 6:14

Chaimantami ñucaca: «¡Ñuca Dioslla, Sanbalatpish, Tobiaspish caicunata ruhuashca shinallatac paicunata yuyari! ¡Noadías huarmipish, caishuc huillaccunapish ñucata manchachishpa pandachisha nishcatapish ama cungaringuichu!» nircani.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.

SALMOS 150:4

¡Panderopi tocashpa, danzashpa alabaichicyari! ¡Flautapi, cuerdayuc tocanacunapi tocashpa alabaichicyari!

SALMOS 30:11

Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui.

SALMOS 68:11

Mandac Diosmi huillachun mandarca. Chaita achca huarmicuna huillashpaca:

SALMOS 68:25

Cantaccunaca huashata, tocaccunaca ñaupata, cutin solteracunaca panderocunapi huactashpami chaupita shamurcacuna.

SALMOS 68:26

¡Jatun tandanacuipi Diosta allimari cangui nichicyari! ¡Tandanacushca israelcuna, Mandac Diostaca allimari cangui nichicyari!

SALMOS 81:2

Himnocunata tocashpa panderocunapi huactaichic. Sumacta huacac arpapipish, salteriopipish tocaichic.

ÉXODO 2:4

Cutin chai huahuapac panica carullamantami huahua ima tucucta ricucurca.

ECLESIASTÉS 3:4

Huacangapacpish, asingapacpish punzha tiyanmi. Duelo cangapacpish, bailangapacpish punzha tiyanmi.

JEREMÍAS 31:4

Carihuan manarac chayarishca soltera shina Israel llactalla, cambac llactata cutin shayachishami. Cutin allichirishpami panderohuan cushicushpa, danzashpa llucshingui.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

NÚMEROS 12:1

Moisés Cus llactata huarmihuan cazarashcamantami Mariapish, Aaronpish juchanchishpa rimarirca.

NÚMEROS 12:2

Paicunaca: «¿Mandac Diosca Moisesllahuanchu rimarca? ¿Manachu ñucanchic-huanpish rimarca?» nirca. Chaitaca Mandac Diosca uyarcami.

NÚMEROS 20:1

Tandanacushca israelcunaca callari quillapimi Zin shitashca pambaman chayashpa, Cadespi tiyarirca. Moisespac pani Mariaca chaipimi huañurca. Chashna huañucpica, chaillapitacmi enterrarca.

NÚMEROS 26:59

Amrampac huarmica Levipac ushi Jocabedmi carca. Paica Leví Egiptopi cacpimi huacharirca. Amrampac huarmi Jocabedca Aaronta, Moisestami charirca.

SAN LUCAS 2:36

Shinallatac Dios ima nishcata huillac, yuyac Ana huarmipish chaipimi carca. Paica ñaupa taita Aserpac aillupuramanta Fanuelpac ushimi carca. Paica huambrarac cazarashpapish canchis huatallatami cusahuan causarca.

HECHOS 21:9

Felipeca chuscu ushi solteracunatami charirca. Paicunaca Dios ima nishcata huillacmi carca.

1 CORINTIOS 11:5

Huarmicuna umata mana tapallishpa, Diosta mañashpa, mana cashpaca Diosmanta huillacushpaca cusatami pingaichin. Umata mana tapallishca huarmica, acchata pitishca shinami.

1 CORINTIOS 14:34

huarmicunaca criccunapac tandanacuipica upallami cana can. Mana rimanachu can. Moisés mandashcacunapi nishca shinami, huarmicunaca cazuna can.

JUECES 11:34

Jefté Mizpa pueblopi cac paipac huasiman chayacucpica, paipac ushimi panderopi huactashpa, danzashpa tupangapac llucshirca. Ashtahuan shuctac ushitapish, churitapish mana charircachu. Paillami carca.

JUECES 21:21

Chaipica, Silo pueblomanta solteracuna muyushpa bailangapac llucshicucpica, cancunapish uvas chagramanta llucshishpa cada shuc, shuc solterata shuhuashpa Benjamín llactaman apamuichic.

JUECES 4:4

Chai punzhacunapica Lapidotpac huarmi Deborami israelcunataca mandacurca. Paica Dios ima nishcata huillacmi carca.

1 SAMUEL 10:5

Chaimanta rishpaca, filisteo soldadocuna cuidacuc Diospac lomamanmi chayangui. Chai puebloman ña yaicushpaca, Dios ima nishcata huillaccuna tandanacushpa chai lomamanta urai shamucucpimi tupangui. Paicunapac ñaupataca saltereopi, panderopi, flautapi, arpapi tocashpami shamucunga. Paicunaca Dios ima nishcata huillashpami shamucunga.

1 SAMUEL 18:6

Chai filisteota David huañuchishca quipa, paicuna cutimucpimi, tucui Israel llactapi cac pueblocunamanta huarmicunaca cantashpa, danzashpa, panderocunahuan, shuctac tocanacunapi cushilla tocashpa jatun mandac Saulta tupangapac llucshirca.