ÉXODO 15:16 - Dios Rimashcata Quillcashcami

¹⁶ Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ÉXODO 15:16 Iomraidhean Croise

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

2 SAMUEL 7:23

Shinallatac can acllashca Israel llacta shinaca, ¿maijan llactatac cai pachapica tiyanyari? Cai llactataca paicunaman allita ruhuashpa, tucuiman ricsichingapacmi huatashca shina causacucmanta cacharichircangui. Canca llactapi causaccunatapish, chaipi tiyac dioscunatapish llucchishpa cachashpaca, jatun mancharinacunata ruhuashpami Egiptomanta cambaclla cachun llucchimurcangui.

SALMOS 105:38

Egiptopi causaccunaca yalli manchaihuanmi causacurca. Chaimantami israelcuna llucshicpica, yallita cushicurcacuna.

SALMOS 74:2

Ñaupa punzhacunamanta can acllashcacuna cambac aillu cachun llaquimanta llucchishcacunata yuyariyari. Can causana Sión urcutapish yuyariyari.

SALMOS 89:14

Can mandashpa tiyarina callari rumi shinaca cashcata ruhuana, imatapish allita ruhuanami. Cambac ñaupataca llaquina, cashcata nina yuyaimi ricun.

ÉXODO 11:7

Chashna cacpipish, israelcunapurapica allcullapish animalcunata, gentecunata sintishpa, mana ladrangachu. Chaica, Mandac Dios ñucaca Egipto runacunamanta israelcunata chicanyachic cashcata yachachunmi cashnaca tucunga” ninmi.

ÉXODO 15:13

Can llucchishca gentecunata cuyaihuanmi pushangui. Cambac jucha illac llactamanmi cambac poderhuan pushangui.

ÉXODO 15:5

¡Rumi shinami cuchapi ucuyarca! Achca ucu yacumi paicunata taparca.

ÉXODO 15:6

Mandac Dioslla, cambac alli maquica jatun poderyuc sinchi maquimi. Mandac Dioslla, cambac maquihuanmi piñaccunataca tucuchircangui.

ÉXODO 18:8

Moisesca Mandac Dios israelcunaman allita ruhuashpa, Faraontapish, Egipto runacunatapish imata ruhuashcatapish, ñanpi llaquicunata apashcatapish, Mandac Dios ima shina Egiptomanta llucchishcatapish paipac suegroman tucui parlarcami.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

ÉXODO 23:20

Ñuca allichishca llactaman cuidashpa, ñanta pushachunmi, ñuca angelta ñaupata cachani.

ÉXODO 23:22

Ashtahuanpish pai nishcata uyashpa, tucui ñuca nishcata ruhuacpica, canta piñaccunataca piñashami, shinallatac canta llaquichiccunataca llaquichishami.

ÉXODO 23:27

Mai llactapi can yaicucpica, ñucami chai llactapi manchaita churashpa, chai llactapi causaccunataca callpachisha. Piñaccunaca manchaihuanmi cancunapac ñaupamanta miticushpa callpanga.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ISAÍAS 51:10

¿Manachu can mama cuchata chaquichircangui? ¿Manachu can quishpichishcacuna pasachun, mama cuchata chaquichishpa ñanta ruhuarcangui?

ISAÍAS 63:12

¿Pitac poderhuan Moisesta ayudashpa pushamurca? ¿Pitac paicunapac ñaupapi jatun cucha chaupita pasachishpa, huiñaita yuyarina shuti tucurca?

JEREMÍAS 31:11

Mandac Dios ñucami Jacobopac huahuacunataca quishpichircani. Sinchi runapac maquimantami cacharichircani.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

DEUTERONOMIO 11:25

Cancunahuanca pipish mana cariyangachu. Mandac Diosca, pai ruhuasha nishca shinami, tucui cai pachapi manchaita chucchuita churanga.

DEUTERONOMIO 2:25

Cunanmi cai pachapica manchaita, chucchuita churagrini. Cancunamanta parlashcata uyashpallami munai manchaihuan chucchunga” nirca.

DEUTERONOMIO 2:4

Israelcunataca: ‘Cancunapac familia Esaupac huahua huahuacunapac Seir llactata cancuna pasacucpica, yallita manchangacunami. Shina cacpipish, cuidaringuichic.

DEUTERONOMIO 32:6

Imatapish mana yachac, yuyai illac gentecunalla, ¿chashnachu Mandac Diostaca ruhuana carcanguichic? ¿Paica manachu cancunaman causaita cuc Taita? Paimari causaita cushpa callarichirca.

DEUTERONOMIO 32:9

Mandac Dios japinaca pai acllashcacunami. Pai japinaca Jacobomi.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

JOSUÉ 4:24

Cai pachapi tucui causaccuna Mandac Diosca imatapish ruhuaclla cashcata yachachun, shinallatac cancunapish cancunata Mandac Diosta tucui causaipi manchashpa causachunmi chashna ruhuarca” ninguichic» nirca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

1 SAMUEL 2:9

Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.

1 SAMUEL 25:37

Ashtahuanpish cayandi tutamanta Nabal vino ubiashca pasaricpimi, paipac huarmi Abigailca tucui ima tucushcata huillarca. Shina huillacpimi, Nabalca shungu upayashpa rumi shina saquirirca.