ÉXODO 14:31 - Dios Rimashcata Quillcashcami

³¹ Israelcunaca Mandac Dios Egipto runacunata tucuchishpa, jatun cashcata ricuchicpimi, Mandac Diostapish, paita servic Moisestapish crircacuna.

ÉXODO 14:31 Iomraidhean Croise

2 CRÓNICAS 20:20

Paicunaca tutamanta utca jatarishpami, shitashca pamba Tecoaman llucshircacuna. Chaiman llucshicushpami Josafatca: «Judá llactapi, Jerusalenpi causaccuna uyaichic. Cancunata Mandac Diospi shunguta churaichic. Shina ruhuacpica, ima llaquipish mana japingachu. Dios ima nishcata huillaccuna huillashcapipish shunguta churaichic. Shina ruhuacpica, tucuimi alli llucshinga» nirca.

NEHEMÍAS 9:9

Ñucanchic ñaupa taitacunataca Egiptopi llaquita causacuctami ricurcangui. Puca Cucha patapi caparishpa mañashcatami uyarcangui.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

ÉXODO 19:9

Shina huillacpimi, Mandac Diosca Moisestaca: —Ñucami amsa puyupi cambacman shamusha. Chashna shamushpa, canhuan parlacta israelcuna uyashpami, cantaca tucui causaipi cringa— nirca. Cutin israelcuna ima nishcataca Moisesca Mandac Diosmanmi huillarca.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

SAN JUAN 11:45

Mariata compañac tauca israelcuna Jesús imata ruhuashcata ricushpaca, paita crircacunami.

SAN JUAN 2:11

Galilea llacta Caná pueblopimi Jesusca milagrota ruhuai callarirca. Chaipimi paica poderyuc cashcata ricuchirca. Chashna ruhuacpimi, paipac yachacuccunaca Diosmanta shamushca cashcata crircacuna.

HECHOS 8:13

Chai brujo Simonpish Jesusta crishpa, bautizarishpami Felipehuan puricurca. Paica milagrocunata, mancharinacunata ruhuacta ricushpami, mancharishpa puric carca.

HEBREOS 3:5

Moisesca Diospac huasipi tucuita cazuc servicmi carca. Chai shina ruhuashpami, Dios quipaman huillana cashcata ricuchicurca.

JOSUÉ 24:7

Paicuna, Mandac Dios ñucata caparishpa mañacpimi, ñucaca cancunahuan Egipto runacunahuan chaupipi amsa puyuta churarcani. Chashna churashpa, paicunapac jahuapi mama cucha yacuta cachacpimi, paicunataca tucui ucuyachirca. Chashna ruhuashcataca cancunapac ñahuihuantacmi ricurcanguichic. Chai quipaca tauca huatacunatami shitashca pambapi carcanguichic.

JOSUÉ 4:14

Chai punzhami Mandac Diosca tucui israelcunapac ñaupapi Josuetaca jatunyachirca. Israelcunaca Moisesta cazushca shinallatac paitapish tucui causaipi cazurcacuna.

JOSUÉ 4:24

Cai pachapi tucui causaccuna Mandac Diosca imatapish ruhuaclla cashcata yachachun, shinallatac cancunapish cancunata Mandac Diosta tucui causaipi manchashpa causachunmi chashna ruhuarca” ninguichic» nirca.

1 SAMUEL 12:16

Cunanca Mandac Dios cancunapac ñaupapi sumaimana ricuchinata ricuchigricushcata ricungapac shuyaichic.

1 SAMUEL 12:18

Shina nishca quipami Mandac Diosta caparishpa Samuel mañacpica, Mandac Diosca relampatapish, tamyatapish chai punzhapica yallita cacharca. Shina ruhuacpimi Mandac Diostapish, Samueltapish tucui gentecuna yallita mancharca.