ÉXODO 14:29 - Dios Rimashcata Quillcashcami

²⁹ Ashtahuanpish israelcunaca chaquishca allpa shinatami, cucha chaupita pasarca. Yacuca allimanpish, lluquimanpish pirca shinami carca.

ÉXODO 14:29 Iomraidhean Croise

2 REYES 2:8

Chaipimi Eliasca paipac jahualla churanata llucchishpa, patarishpaca yacupi huactarca. Shina huactacpimi, yacu caiman chaiman montonaricpi, paicunaca chaquishca allpata pasarca.

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

SALMOS 106:9

Puca Cuchataca rimashpallami chaquichirca. Chashnami shitashca pambata shina cucha chaupita pasachirca.

SALMOS 136:13

Puca cuchata ishcai partepi chaupic Diosta alabaichicyari. ¡Paica huiñaita llaquicmi!

SALMOS 78:13

Mama cucha chaupitami paicunataca pasachirca. Yacuca ishcai ladoman chaupirishpami tandarishpa saquirirca.

ÉXODO 14:22

Cucha allimanpish, lluquimanpish pircashca shina chaupiricpimi, israelcunaca chaupi cuchaman yaicurca.

ÉXODO 15:19

Jatun mandac Faraón carretacunahuan, caballopi ric soldadocunahuan yacuta pasacucpimi, Mandac Diosca cucha yacuta cutichimushpa, tucuita ucuyachirca. Cutin israelcunaca cucha chaupitami chaquishca allpata shina pasarca.

ÉXODO 15:8

Can pucushca samaihuanmi yacuca ishcai ladoman tandarirca. Huacyacuc mama cuchaca mana cuyurishpami casilla saquirirca. Ucu cuchaca rumi shinami saquirirca.

ISAÍAS 11:15

Mandac Diosca Egiptopi tiyac mama cuchamanta llucshicuc yacutapish chaquichingami. Paipac poderyuc Espirituhuanmi Eufrates jatun yacu jahuata maquita chutashpa, chai yacumanta llucshicuc canchis yacucunatapish chaquichinga. Shina chaquichishpami israelcunataca paicuna churarishca ushutandi pasachinga.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

ISAÍAS 51:10

¿Manachu can mama cuchata chaquichircangui? ¿Manachu can quishpichishcacuna pasachun, mama cuchata chaquichishpa ñanta ruhuarcangui?

ISAÍAS 51:13

¿Ñachu cancunatapish, jahua pachatapish ruhuac Mandac Diostaca cungarircangui? Cai pacha callari rumitapish ñucallatacmi churarcani. ¿Ima nishpatac cancunata llaquichiccuna yallita piñarishpa, tucuchingapac shayaricpica, punzhanta mancharicunguichic? ¿Maipitac cancunata yallita piñashpa llaquichicca?

1 CORINTIOS 10:1

Cuyashca criccuna, ñucanchic ñaupa taitacuna ima tucushcata yachachunmi munani. Paicunaca puyu llandupipishmi carca. Puca Cuchatami pasarcacuna.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.