ÉXODO 14:28 - Dios Rimashcata Quillcashcami

²⁸ Chashna catishpa ricucpimi, cutin yacu tandarishpa carretacunatapish, caballopi ric soldadocunatapish, Egipto runacunatapish tucui taparca. Paicunamantaca shucllapish mana saquirircachu.

ÉXODO 14:28 Iomraidhean Croise

GÉNESIS 50:9

Chashnami achca gentecuna caballopi, carretacunapi rirca.

GÉNESIS 7:18

Shinami yacuca ashtahuan jundarishpa, tucui allpata ucuyachishpa catirca. Cutin huambuc huasica huambushpami catirca.

2 CRÓNICAS 20:24

Judá llactapi causaccuna shitashca pambapi cac torreman chayashpa, chai shamuc achca soldadocunata ricucpica, shucllapish mana atishpa tucui huañushpa pambapi siricuctami ricurcacuna.

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

SALMOS 106:22

Paica Cam llactapipish mancharinacunata, Puca Cuchapipish pi mana ricushcatami ruhuarca.

SALMOS 136:15

Faraonta paipac soldadocunandi Puca Cuchapi shitac Diosta alabaichicyari. ¡Paica huiñaita llaquicmi!

SALMOS 78:53

Imatapish mana manchachunmi alli cuidashpa pusharca. Paicunata piñaccunataca mama cuchapimi ucuyachirca.

ÉXODO 14:13

Shina nicpimi, Moisesca israelcunataca: —¡Ama manchaichicchu! Sinchiyashpa, Mandac Dios ima shina quishpichicta ricuichic. Cunanllami Egipto runacunata ricucunguichic. Cutinca manatac ricunguichicchu.

ÉXODO 15:10

Mama cuchata pucushpami, paicunata tucuita taparcangui. ¡Llashac plomo shinami, timbucuc yacupica ucuyarca!

ÉXODO 15:19

Jatun mandac Faraón carretacunahuan, caballopi ric soldadocunahuan yacuta pasacucpimi, Mandac Diosca cucha yacuta cutichimushpa, tucuita ucuyachirca. Cutin israelcunaca cucha chaupitami chaquishca allpata shina pasarca.

HABACUC 3:13

Canca acllashca llactata cacharichingapac, aceitehuan cahuishca jatun mandacta quishpichingapacmi llucshircangui. Canta mana manchac runapac huasi catataca urmachircanguimi. Callari rumicuna ricuringacamanmi tucui urmachircangui.

DEUTERONOMIO 11:4

Egipto gentecuna ñucanchicta caticucpi, Puca Cuchapi carretacunandi, caballocunandi cunancaman ucuyachishcatapish, mana yachanchu.

HEBREOS 11:29

Crishcamantami israelcuna chaquishca allpata shina, Puca Cuchata pasarcacuna. Egipto gentecunaca chai shinallatac pasashun nishpapish, tucuimi yacupi aguarircacuna.

JUECES 4:16

Chashna callpacpimi, Baracca Haroset-goimcaman cati rishpa, Sisarapac carretacunatapish, macanacuc runacunatapish shucllatapish mana saquishpa tucui tucuchirca.