ÉXODO 14:27 - Dios Rimashcata Quillcashcami

²⁷ Chaimantami Moisesca maquita cucha jahuata chutarca. Shina chutacpimi, pacaricucpi yacuca cutishpa, Egipto runacuna atishpa ricucpipish, tucui taparca. Chashnami Mandac Diosca Egipto runacunata chaupi yacupi ucuyachirca.

ÉXODO 14:27 Iomraidhean Croise

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

SALMOS 106:11

Yacu tapacpimi, paicunata piñaccunaca shucllapish mana saquirirca.

SALMOS 136:15

Faraonta paipac soldadocunandi Puca Cuchapi shitac Diosta alabaichicyari. ¡Paica huiñaita llaquicmi!

SALMOS 78:53

Imatapish mana manchachunmi alli cuidashpa pusharca. Paicunata piñaccunataca mama cuchapimi ucuyachirca.

ISAÍAS 10:26

Tucuita Mandac Diosca Oreb jatun quingrai ladopi, Madián llactapi huañuchishca shinami, paicunataca huañuchinga. Varata alzashpa, Egipto runacunata yacupi ucuyachishca shinami, paicunatapish tucuchinga.

DEUTERONOMIO 11:4

Egipto gentecuna ñucanchicta caticucpi, Puca Cuchapi carretacunandi, caballocunandi cunancaman ucuyachishcatapish, mana yachanchu.

HEBREOS 11:29

Crishcamantami israelcuna chaquishca allpata shina, Puca Cuchata pasarcacuna. Egipto gentecunaca chai shinallatac pasashun nishpapish, tucuimi yacupi aguarircacuna.

JOSUÉ 24:7

Paicuna, Mandac Dios ñucata caparishpa mañacpimi, ñucaca cancunahuan Egipto runacunahuan chaupipi amsa puyuta churarcani. Chashna churashpa, paicunapac jahuapi mama cucha yacuta cachacpimi, paicunataca tucui ucuyachirca. Chashna ruhuashcataca cancunapac ñahuihuantacmi ricurcanguichic. Chai quipaca tauca huatacunatami shitashca pambapi carcanguichic.

JOSUÉ 4:18

Mandac Dios ari nishca quillcata huacaichina Arcata huandushpa ric curacuna Jordán yacu chaupimanta llucshishpa, paicunapac chaquicunapish chaquishcapi sarucpica, Jordán yacuca puntaman cashca shinallatacmi ladocunata tallirishpa ri callarirca.