ÉXODO 14:25 - Dios Rimashcata Quillcashcami

²⁵ Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

ÉXODO 14:25 Iomraidhean Croise

2 CRÓNICAS 20:29

Israelcunata piñaccunahuan Mandac Dios macanacushcataca tucuimi uyarca. Chaita uyashpaca, tucui llactapi causaccunami Mandac Diostaca yallita mancharcacuna.

NEHEMÍAS 4:14

Chai quipaca tucui ima tucushcata ricushpami, alli nishca runacunatapish, quipa mandaccunatapish, tucui caishuc gentecunatapish rimashpaca: —¡Paicunapac ñaupapica ama manchaichicchu! Ashtahuanpish tucuita ruhuac jatun Diosta yuyarichic. Cancunapac huauquicunamanta, churicunamanta, ushicunamanta, huarmicunamanta, cancunapac huasicunamanta macanacuichic— nircani.

NEHEMÍAS 6:16

Chaita yachashpami ñucanchicta piñaccunapish, muyundi llactacunapi causaccunapish yangalla cashcata yuyashpa llaquirirca. Shinallatac ñucanchic Dios ayudacpi, tucuchishcatami yacharcacuna.

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

JOB 11:20

Ashtahuanpish millaita ruhuaccunaca chingaringami. Paicunaca maipi mana miticui pudingachu. Paicuna imata shuyacushcapish, tucuri samai shinami canga» nirca.

JOB 20:24

Fierrohuan huañuchigricucpi, miticushpa ricucpica, bronce arcohuan shitashpami chugrichinga.

JOB 27:22

Diospac podermanta pai miticusha nicucpipish, Diosca mana llaquishpami yalli llaquihuan paitaca llaquichinga.

SALMOS 35:1

Mandac Dioslla, ñucata piñaccunahuan shayariyari. Ñucahuan macanacuccunahuan macanacuiyari.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

SALMOS 68:12

«¡Jatun mandaccunami paicunapac soldadocunandi callpacun!» nircacuna. Cutin huasipica huarmicunami macanacuipi quichushcata chaupinacurca.

SALMOS 76:6

Jacobopac Dioslla, can jarcashpa rimacpica, carretacunapish, caballocunapish mana cuyuri pudircacunachu.

ÉXODO 14:14

Cancunaca chaillapi caichic. Mandac Diosmi cancunamanta macanacunga— nirca.

ÉXODO 14:18

Chashna Faraontapish, carretacunatapish, caballopi ric soldadocunatapish tucuchicpimi, Egipto runacunaca ñucataca Mandac Dios cashcata yachangacuna— nirca.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

ÉXODO 15:3

Mandac Diosca jatun macanacucmi. ¡Paipac shutica Mandac Diosmi!

ISAÍAS 31:4

Mandac Diosca: «Shuc león ovejata japishpa micushpaca, tucui michiccuna tandanacushpa manchachingapac shamucpipish, mana manchanchu. Chashnami tucuita Mandac Dios ñucapish, ñucapac Sión urcupi macanacungapac urai shamusha.

JEREMÍAS 51:21

Cancunahuanmi caballocunatapish, caballopi riccunatapish, carretacunatapish, chaipi riccunatapish tucuchisha.

AMÓS 1:14

Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

AMÓS 9:1

Mandac Dios altar jahuapi shayacuctami muscuipi shina ricurcani. Paica: «¡Umbralcuna urmachun, pilarpi tiyac capitelcunapi huactai! Chai pungucunapish tucuipac jahuapi urmashpa ñuturichun cuyuchi. Maijanpish mana uyactaca espadahuanmi huañuchisha. ¡Chaimanta miticushpa rishpapish, shucllapish mana quishpiringachu!

DEUTERONOMIO 1:30

Mandac Diosmi cancunapac ñaupata ringa. Egiptomanta llucchingapac imata ruhuashcataca cancunapac ñahuihuanmi ricurcanguichic. Chashnallatacmi cunanpish cancunamanta macanacunga.

DEUTERONOMIO 3:22

Mandac Diosmi cancunamantaca macanacunga. Chaimanta ama manchaichicchu” nirca.

DEUTERONOMIO 32:31

Paicunapac rumi shina dioscunaca mana ñucanchic jatun Rumi shina Dios cashcataca allita yachanmi.

JOSUÉ 10:14

Chai punzha shinaca mana tiyashcachu, shinallatac mana tiyangachu. Shuc runa mañashcata uyashpami Mandac Diosca israelcunamanta macanacurca.

JUECES 4:15

Chaipica Mandac Diosmi Baracpac ñaupapi Sisarataca carretacunandi, paipac macanacuc runacunandi espadahuan chugrichishpa tucuchirca. Chaipimi Sisaraca carretamanta uricushpa chaquillahuan miticushpa callparca.