ÉXODO 14:24 - Dios Rimashcata Quillcashcami

²⁴ Tutamanta ña pacaricucpimi, Mandac Diosca Egipto runacunataca suni nina puyumanta ricushpa, tucuita muspachirca.

ÉXODO 14:24 Iomraidhean Croise

JOB 22:13

Shina cacpipish canca: “¿Diosca imatatac yachanyari? Yallita amsapica, ¿ima shinatac taripangayari?

JOB 34:20

Chaupi tutami runacunaca cungailla huañuncuna. Yallita alli nishca runacunapish, tucuita ruhuac Dios maquihuan manapish huactacpimi chingaringacuna.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

JOB 40:12

Cambac ricuillahuan jatun tucushcacunata cumurichiyari. Diosta mana manchaccunataca, paicuna tiyacuc pushtullapitac saruiyari.

SALMOS 104:32

Pai allpata ricucpica chucchunmi. Urcucunapi tuparicpica cushninmi.

SALMOS 48:5

Shina shamushpapish chai pueblopi Dios causacushcata ricushpami imatapish mana ruhuai pudishpa, cutishpa callparcacuna.

SALMOS 78:14

Punzhaca puyuhuan ñaupashpa, tutaca ninahuan achicyachishpami paicunataca pusharca.

SALMOS 90:4

Canmanca huaranga huatacunaca pasashca caina punzha shinallami. Tutaca asha horas shinallami.

ÉXODO 13:21

Tutapish, punzhapish israelcuna purishpa catichunmi, Mandac Diosca punzhaca suni puyuhuan, tutaca suni ninahuan ñaupashpa achicyachishpa pusharca.

ÉXODO 14:25

Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

AMÓS 9:4

Paicunata piñaccuna prezushpa charicucpipish, espadahuan huañuchichunmi cachasha. Ñucaca paicunaman allita ruhuangapac ricunapac randica, llaquichingapacmi ricusha» nirca.

1 SAMUEL 11:11

Ña cayandi punzha manarac alli achicyacpimi Saulca paipac soldadocunata quimsapi chicanyachishpa amonitacunapac carpa huasi chaupiman yaicurca. Chashna yaicushpaca intihuan punzha cunurina horascamanmi macashpa chugrichishpa huañuchirca. Chaimantami mana huañuccunaca caita chaita callparcacuna, pipish ishcaipuraca mana saquirircachu.