ÉXODO 14:14 - Dios Rimashcata Quillcashcami

¹⁴ Cancunaca chaillapi caichic. Mandac Diosmi cancunamanta macanacunga— nirca.

ÉXODO 14:14 Iomraidhean Croise

2 CRÓNICAS 20:15

Chai quipami paica: «Judá llactapi causaccuna, Jerusalenpi causaccuna, can jatun mandac Josafatpish uyaichic. Mandac Diosca cancunataca: “Chai achca gentecunata ricushpapish ama manchaichicchu, ama chucchuichicchu. Chai macanacuica mana cancunapacchu, ashtahuanpish Diospacmi.

2 CRÓNICAS 20:17

Cunanca mana cancunachu macanacuna canguichic, ashtahuanpish Mandac Dios ima shina ayudacta ricushpa casilla shayacunguichiclla. Judapi, Jerusalenpi causaccuna ama manchaichicchu, ama chucchuichicchu. Cayaca paicunahuan macanacungapac llucshichiclla. Mandac Diosmi cancunahuan canga” nini» nirca.

2 CRÓNICAS 20:29

Israelcunata piñaccunahuan Mandac Dios macanacushcataca tucuimi uyarca. Chaita uyashpaca, tucui llactapi causaccunami Mandac Diostaca yallita mancharcacuna.

NEHEMÍAS 4:14

Chai quipaca tucui ima tucushcata ricushpami, alli nishca runacunatapish, quipa mandaccunatapish, tucui caishuc gentecunatapish rimashpaca: —¡Paicunapac ñaupapica ama manchaichicchu! Ashtahuanpish tucuita ruhuac jatun Diosta yuyarichic. Cancunapac huauquicunamanta, churicunamanta, ushicunamanta, huarmicunamanta, cancunapac huasicunamanta macanacuichic— nircani.

NEHEMÍAS 4:20

Chaimanta maipimi trompeta tocashca uyarin, chaiman shamushpa ñucahuan tandanacunguichic. Ñucanchic Mandac Diosmi ñucanchicmanta macanacunga— nircani.

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

SALMOS 35:1

Mandac Dioslla, ñucata piñaccunahuan shayariyari. Ñucahuan macanacuccunahuan macanacuiyari.

SALMOS 50:3

Ñucanchic Diosca mana upalla shamungachu. Paipac ñaupataca tucuchic ninahuan, paipac muyunditaca acapana huairahuanmi shamunga.

SALMOS 83:1

Sumac Dioslla, ama chunlla saquirichu. Dioslla, ama upalla imatapish mana ruhuashpa saquirichu.

ÉXODO 14:15

Chaimantami Mandac Diosca Moisestaca: —¿Ima nishpatac ñucata caparicungui? Israelcunataca richiclla ni.

ÉXODO 14:25

Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

ÉXODO 15:3

Mandac Diosca jatun macanacucmi. ¡Paipac shutica Mandac Diosmi!

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

LAMENTACIONES 3:26

Mandac Dios quishpichinata upalla shuyanaca allimi.

DEUTERONOMIO 1:30

Mandac Diosmi cancunapac ñaupata ringa. Egiptomanta llucchingapac imata ruhuashcataca cancunapac ñahuihuanmi ricurcanguichic. Chashnallatacmi cunanpish cancunamanta macanacunga.

DEUTERONOMIO 20:4

Mandac Diosmari cancunamanta cancunata piñaccunahuan macanacungapac rin. Paimi macanacuita mishachinga” nirca.

DEUTERONOMIO 3:22

Mandac Diosmi cancunamantaca macanacunga. Chaimanta ama manchaichicchu” nirca.

JOSUÉ 10:10

Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

JOSUÉ 10:14

Chai punzha shinaca mana tiyashcachu, shinallatac mana tiyangachu. Shuc runa mañashcata uyashpami Mandac Diosca israelcunamanta macanacurca.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JOSUÉ 23:10

Cancunapuramantaca shuc runallami huaranga runata callpachinga. Cancunata Mandac Diosca pai pactachishami nishca shinallatacmi cancunamanta macanacunga.

JOSUÉ 23:3

Cancunata Mandac Dios cancunamanta tucui cai llactacunapi causaccunata imata ruhuashcataca cancunallatacmi ricurcanguichic. Chaica, cancunata Mandac Diosmi cancunamanta chai llactacunapi causaccunahuanca macanacurca.

JUECES 5:20

Lucerocunapish jahua cielomanta pachami macanacurca. Paicuna tiyana pushtumantami Sisarahuan macanacurca.

1 SAMUEL 4:7

filisteocuna yachashpaca mancharircacunami. Chashna manchashpami: «¡Diosmari carpa huasicunaman chayamushca!» nishpami: «¡Cunancamanca jaicapi cashna llaquica mana tiyashcachu! ¡Aij, ñucanchiclla imachari tucushun!