ÉXODO 14:13 - Dios Rimashcata Quillcashcami

¹³ Shina nicpimi, Moisesca israelcunataca: —¡Ama manchaichicchu! Sinchiyashpa, Mandac Dios ima shina quishpichicta ricuichic. Cunanllami Egipto runacunata ricucunguichic. Cutinca manatac ricunguichicchu.

ÉXODO 14:13 Iomraidhean Croise

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 46:3

Chashna nicpimi Diosca: —Ñucaca Diosmi cani, cambac taitapac Diosmi cani. Egipto llactapimi cambac huahua huahuacunamantaca jatun llactata ruhuasha. Chaimanta ama manchashpa, chaiman rilla.

GÉNESIS 49:18

¡Mandac Dioslla, can quishpichichunmi shuyacuni!

2 REYES 6:16

Shina nicpimi Eliseoca: —Ñucanchic-huan caccunami paicunahuan cacta atishpa ashtahuan achcacuna. Chaimanta ama manchaichu— nirca.

1 CRÓNICAS 11:14

Shina ricpipish, paica chai cebada chagra chaupipi sinchita shayarishpami, filisteocunahuan macanacushpa misharca. Mandac Diosmi ayudashpa mishachirca.

2 CRÓNICAS 20:15

Chai quipami paica: «Judá llactapi causaccuna, Jerusalenpi causaccuna, can jatun mandac Josafatpish uyaichic. Mandac Diosca cancunataca: “Chai achca gentecunata ricushpapish ama manchaichicchu, ama chucchuichicchu. Chai macanacuica mana cancunapacchu, ashtahuanpish Diospacmi.

2 CRÓNICAS 20:17

Cunanca mana cancunachu macanacuna canguichic, ashtahuanpish Mandac Dios ima shina ayudacta ricushpa casilla shayacunguichiclla. Judapi, Jerusalenpi causaccuna ama manchaichicchu, ama chucchuichicchu. Cayaca paicunahuan macanacungapac llucshichiclla. Mandac Diosmi cancunahuan canga” nini» nirca.

NEHEMÍAS 9:9

Ñucanchic ñaupa taitacunataca Egiptopi llaquita causacuctami ricurcangui. Puca Cucha patapi caparishpa mañashcatami uyarcangui.

SALMOS 3:8

Can Mandac Diosmi quishpichic cangui. ¡Can acllashcacunata bendiciaiyari!

SALMOS 68:21

Diosca paita piñaccunataca umacunatami chugrichinga. Juchata ruhuashpa causaccunataca uma coronatami chugrichinga.

SALMOS 78:53

Imatapish mana manchachunmi alli cuidashpa pusharca. Paicunata piñaccunataca mama cuchapimi ucuyachirca.

SALMOS 91:8

Canca Diosta mana manchaccuna llaquita apacuctaca cambac ñahuihuantacmi ricungui.

ÉXODO 14:30

Chashnami Mandac Diosca chai punzhapica israelcunata Egipto runacunapac maquimanta quishpichirca. Egipto runacuna yacu patapi huañushca siricuctami israelcunaca ricurca.

ÉXODO 20:20

Shina nicpimi Moisesca: —Ama manchaichicchu. Diosca cancuna paita manchac cashcata ricungapacmi shamurca. Paica cancuna punzhanta paita manchashpa, ama juchallichunmi munan— nirca.

ISAÍAS 26:3

Mandac Dioslla, canta mana cungarishpa can yuyailla causaccunata cuidangui. Cushi causaita cunguiyari. Paicunata canpi shunguta churashpami causan.

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

ISAÍAS 43:11

Ñucallami Mandac Dios cani. Ñucallami quishpichicca cani.

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

JEREMÍAS 3:23

Lomacunapi, urcucunapi caparishpa mañanaca yangallami. Ashtahuanpish ñucanchictaca Mandac Diosllami quishpichi pudin.

LAMENTACIONES 3:26

Mandac Dios quishpichinata upalla shuyanaca allimi.

OSEAS 1:7

Ashtahuanpish Judá llactapi causaccunataca Mandac Dios ñucallatacmi llaquishpa quishpichisha. Ashtahuanpish mana arcohuan, mana jatun macanacuihuan, mana caballopi ric soldadocunahuanchu quishpichisha» nirca.

OSEAS 13:4

Mandac Diosca: «Ñucaca Egiptomanta llucchimushca punzhamanta pachami cancunata Mandac Dios cani. Ama ñucapac randi, shuctac diosta charinguichicchu. Shinallatac shuctac quishpichictapish ama charinguichicchu. Ashtahuanpish ñucallami Dios cani.

OSEAS 13:9

Israelcunalla, cancunataca chingachigrinimi. ¿Pitac cancunata ayudangayari?

HABACUC 3:13

Canca acllashca llactata cacharichingapac, aceitehuan cahuishca jatun mandacta quishpichingapacmi llucshircangui. Canta mana manchac runapac huasi catataca urmachircanguimi. Callari rumicuna ricuringacamanmi tucui urmachircangui.

HABACUC 3:8

Mandac Dioslla, ¿callpac yacucunahuanchu piñarircangui? ¿Canca jatun yacuhuanchu nina japiric shina piñarircangui? ¿Cambac caballocunapi, cambac mishana carretacunapi tiyarishpaca, mama cuchatachu llaquichigringui?

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

SAN MATEO 28:5

Angelca huarmicunataca: «Ama mancharichicchu. Cruzpi chacatashca Jesusta mashcacushcataca yachanimi.

DEUTERONOMIO 20:3

“Israelcuna caita uyaichic. Cunanmi, cancunata piñaccunahuan macanacungapac ringuichic. Paicunapac ñaupapica ama chucchuichicchu. Ama manchaichicchu, ama manchailla caichicchu, ama manchai shungu caichicchu.

1 SAMUEL 11:13

Shina nicpimi Saulca: —Cunanmi Mandac Diosca israelcunata macanacuipi ayudashpa mishachishca. Chaimanta cunan punzhaca maijanpish mana huañungachu— nirca.

1 SAMUEL 12:16

Cunanca Mandac Dios cancunapac ñaupapi sumaimana ricuchinata ricuchigricushcata ricungapac shuyaichic.