ÉXODO 13:9 - Dios Rimashcata Quillcashcami

⁹ Mandac Diosca paipac poderhuanmi Egiptomanta llucchirca. Chaimantami Mandac Diospac mandashcacunata punzhanta rimachunca maquipi, ñahuipi señal canga.

ÉXODO 13:9 Iomraidhean Croise

NEHEMÍAS 1:10

Paicunaca cambac jatun poderta charic cambac maquihuan llucchimushca canta servic acllashcacunami.

SALMOS 136:11

Israelcunata Egiptomanta llucchimuc Diosta alabaichicyari. ¡Paica huiñaita llaquicmi!

SALMOS 136:12

Tucuita ruhuac paipac maquita chutashpa llucchimuc Diosta alabaichicyari. ¡Paica huiñaita llaquicmi!

SALMOS 89:13

Cambac maquica tucuita ruhuac, sinchi maquimi. Cambac alli lado maquica alli nishcami.

ÉXODO 12:14

Chai punzhaca cancunapac yuyarinami canga. Chaimantami tucui cancunapac huahua huahuacunapish yuyarishpa, Mandac Diosman fiestata ruhuanga. Cai mandashcaca huiñaipacmi canga.

ÉXODO 12:41

Chuscu patsac quimsa chunga huata tucucpica, chai punzhallatacmi Mandac Diosca israelcunata tandachishpa, Egiptomanta llucchirca.

ÉXODO 13:14

Quipa punzhapi cancunapac huahuacuna: “¿Imatac caica?” nishpa tapucpica: “Mandac Diosmi, paipac poderhuan Egiptopi huatashca shina, llaquita causacushcamanta llucchimurca.

ÉXODO 13:16

Mandac Dios paipac poderhuan Egiptomanta llucchirca. Chaimantami caica cambac maquipipish, ñahuipipish yuyaringapac señal canga— nirca.

ÉXODO 13:3

Shina nicpimi, Moisesca israelcunataca: —Egiptopi huatashca shina causacushcamanta Mandac Dios llucchishca punzhata yuyaringuichic. Chai llactamantaca paipac poderhuanmi llucchirca. Chaimanta chaita yuyarishpa, levadura illac tandata micunguichic.

ÉXODO 3:20

Chaimantami Egipto runacunataca ñuca maquihuan jatun mancharinacunata ruhuashpa llaquichisha. Chashna ruhuacpica, cancunataca cacharingallami.

ÉXODO 7:4

Faraonca cancuna nishcataca mana uyangachu. Shina cacpipish, Egiptopi causaccunataca ñuca maquihuan llaquichishpami llucchisha. Ñuca acllashca israelcunataca sumacta tandachishpami llucchisha.

PROVERBIOS 1:9

Chai yuyaicunaca sumac coronata cambac umapi churarishca shina, sumac huallcata cungapi churarishca shinami canga.

PROVERBIOS 3:21

Ñuca huahualla, caicunataca yuyarangui. Mandashcatapish, cunashcacunatapish ama cungaringuichu.

PROVERBIOS 7:23

Shinallatac paipac huicsata flecha pasangacaman shina, urpi linchipi japi tucungacaman ric shinami rirca.

CANTARES 8:6

Cambac shungupica sellota churaiyari. Cambac rigrapipish sellota churaiyari. Cuyaica huañui shina mana jarcaipacmi. Cuyana yuyaica Seol shina mana cacharicmi. Cuyaica carbón rupacuc shina rupacmi.

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

ISAÍAS 40:10

Riquichic, Mandac Diosca jatun poderhuanmi shamun. Paipac rigrahuanmi allicunamanca allita cunga. Mana allicunataca llaquichinga.

ISAÍAS 44:5

Maijanca: “Ñucaca Mandac Diospacmi cani” ningami. Maijanca: “Jacobopac huahuacunami cani” ningami. Maijanca: “Mandac Diospacllami cani” nishpami, paipac maquipi quillcanga. Paipac shutita yapachishpaca: “Israel” nishpami quillcanga.

ISAÍAS 49:16

Cantaca ñuca maquipi quillcac shinami charini. Canta jarcac muyundi pircacunatapish ricuracunimi.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

JEREMÍAS 22:24

Mandac Diosca: «¡Ñuca shutipimi nini: Joacimpac churi Judá llactata jatun mandac Conías can ñuca alli lado maquipi sortejas shina cacpipish, chaimanta llucchimanmi!

DANIEL 9:15

Mandac Dioslla, cunan punzhapi ricushca shinallatac cambac acllashcacuna alli nishca cachunmi, cambac poderhuan Egiptomanta llucchircangui. Chashna llucchimucpipish, juchallishpami millaillata ruhuashcanchic.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

NÚMEROS 15:39

Chai flecoscunapi murucunata huarcuchishcata ricushpaca, ñuca mandashcacunata pactachinata yuyarishpami paicuna ricushpa, shungupi munanamanta jarcaringa.

SAN MATEO 23:5

Gentecunapac ricuillapimi imatapish ruhuac tucuncuna. Dios quillcachishcata huacaichina jatun cajacunatami frentepipish, rigrapipish apancuna. Jatun flecosyuc churanatami churashca purincuna.

ROMANOS 10:8

Shina cacpica, ¿imatatac Diospac shimica nin? Chaica: «Dios rimashcaca cambac cuchupimi, cambac shimipimi, cambac shungupimi» ninmi. Caimi crinamanta alli huillaita huillashca:

DEUTERONOMIO 30:14

Ashtahuanpish cai mandashcacunaca cancunapac ladollapitacmi. Cancunapac shimillapitac, cancunapac shungullapitacmi. Cancuna pactachi pudinguichicmi.

DEUTERONOMIO 5:15

Egipto llactapi cancuna huatashca shina causacucpi, Mandac Dios ñuca poderhuan llucchishcata yuyaringui. Chaimantami canta Mandac Dios ñucaca samana punzhapica samarichun mandani.

DEUTERONOMIO 6:21

paicunataca: “Ñucanchicca Egiptopica huatashca shinami Faraonta servishpa carcanchic. Chaimantaca Mandac Diosmi paipac poderhuan llucchimurca.

DEUTERONOMIO 6:6

Cai mandashcacunataca cancunapac yuyaipi alli huacaichinguichic.

DEUTERONOMIO 6:8

Yuyarinalla cachunca, maquipipish, frentepipish huatashpa puringui.

APOCALIPSIS 18:8

Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.

JUECES 2:12

Paicunapac ñaupa taitacunata Egipto llactamanta llucchic Mandac Diosta saquishpami manapish diosta catishpa, chai muyundi pueblocunapi tiyac dioscunata servishpa Mandac Diosta piñachircacuna.