ÉXODO 13:22 - Dios Rimashcata Quillcashcami

²² Israelcunamantaca punzhaca suni puyu, cutin tutaca suni ninaca jaicapi mana anchurircachu.

ÉXODO 13:22 Iomraidhean Croise

NEHEMÍAS 9:12

Chashnami israelcunataca punzhaca suni puyuhuan, tutaca suni ninahuan achicyachishpa, maita rinata pusharcangui.

NEHEMÍAS 9:19

Canca yalli cuyac cashpami, shitashca pambapi mana saquircangui. Punzhapi paicunata pushac suni puyupish, tutapi paicunata pushac, suni ninapish mana anchurircachu.

ÉXODO 14:1

Mandac Diosca Moisestaca:

ÉXODO 14:19

Tandanacushca israelcunapac ñaupata ric Diospac angelca ladoyashpami, paicunapac huashaman tucurca. Shinallatac israelcunapac ñaupata ric suni puyupish ladoyashpami huashaman tucurca.

ÉXODO 40:38

Dios-huan tupana huasi jahuapica punzhaca puyumi carca. Tutaca ninami achicyachishpa, tucui israelcunapac purinapi carca. Chashnami tucui ñanta pusharca.

ISAÍAS 4:5

Chai quipami Mandac Diosca punzhaca yana puyuta, tutaca rupacuc achicyachic ninata Sión urcupi tiyac tucui huasicunapac jahuapi churanga. Diosca paicunataca sumaimana achic nicuc-huan shinami tapanga.

NÚMEROS 9:15

Dios-huan tupana huasita shayachi punzhapica mandashcata huacaichina Arca tiyacuc carpa huasitami puyu taparca. Tutaca nina shinami, huasi jahuapica tutamantacaman carca.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.