ÉXODO 12:51 - Dios Rimashcata Quillcashcami

⁵¹ Chai punzhallatacmi Mandac Diosca israelcunataca tandachishpa Egiptomanta llucchirca.

ÉXODO 12:51 Iomraidhean Croise

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

1 REYES 6:1

Israelcunata Salomón chuscu huatata mandacui huatami israelcuna Egipto llactamanta llucshimushcaca chuscu patsac pusac chunga huata tucurca. Chai huatapac Zif shuti quillapimi Mandac Diospac huasita shayachinata callarirca.

2 CRÓNICAS 14:12

Shina mañacpimi, Mandac Diosca Asapac ñaupapi, Judapac ñaupapi Etiopía soldadocunataca llaquichirca. Chaimantami paicunaca miticushpa callparca.

SALMOS 114:1

Jacobopac huahua israelcuna Egiptomanta llucshishpa, chai gentecunamanta chicanyamucpica,

SALMOS 136:11

Israelcunata Egiptomanta llucchimuc Diosta alabaichicyari. ¡Paica huiñaita llaquicmi!

ÉXODO 12:41

Chuscu patsac quimsa chunga huata tucucpica, chai punzhallatacmi Mandac Diosca israelcunata tandachishpa, Egiptomanta llucchirca.

ÉXODO 12:50

Israelcunaca Mandac Dios Moisestapish, Aarontapish mandashca shinallatacmi tucuita ruhuarca.

ÉXODO 13:1

Mandac Dios cutin Moisesta rimashpaca:

ÉXODO 16:1

Israelcunaca tucui tandanacushpami, Elimmanta llucshishpaca, Sin shitashca pambaman chayarca. Chaica Elimhuan, Sinaihuan tupanacuipimi carca. Chaimanca Egiptomanta llucshishcamanta quilla chunga pichca punzhapimi chayarca.

ÉXODO 19:1

Israelcunaca Egiptomanta llucshishpaca, quimsa quillapimi shitashca pamba Sinaiman chayarca.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

ÉXODO 6:26

Mandac Dios Aarontapish, Moisestapish rimashpaca: «Cancunami israelcunataca Egiptomanta sumacta tandachishpa llucchimugringuichic» nirca.

ÉXODO 6:6

Chaimanta israelcunataca: “Ñucami Mandac Dios cani. Ñucami Egiptomanta, shinallatac chaipi llaquita trabajacushcamanta llucchisha. Egipto gentecuna llaquichishpa charicushcamanta maquita alzashpa, mancharinacunata ricuchishpa llucchisha.

ÉXODO 7:4

Faraonca cancuna nishcataca mana uyangachu. Shina cacpipish, Egiptopi causaccunataca ñuca maquihuan llaquichishpami llucchisha. Ñuca acllashca israelcunataca sumacta tandachishpami llucchisha.

LEVÍTICO 23:43

Egipto llactamanta cancunata ñuca llucchimushpa, chucllacunallapi causachun churashcata cancunapac huahua huahuacuna yachachunmi, chashna ruhuana canguichic. Ñucami cancunata Mandac Dios cani” ninmi ningui» nirca.

AMÓS 2:10

Ñucami cancunataca Egiptomanta llucchishpa, amorreocuna causana llactata cungapac, shitashca pambata chuscu chunga huatacunata pushamurcani.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

NÚMEROS 23:22

Egiptomanta llucchimuc Diosca huagra shina fuerzasapami.

NÚMEROS 26:4

«Mandac Dios Moisesta nishca shinallatac tucui israelcunata ishcai chunga huatayucmanta huichaiman yupaichic» nirca. Egipto llactamanta llucchimushca israelcunaca caicunami carca:

NÚMEROS 33:1

Israelcunataca Egipto llactamantaca Moisés, Aaronmi soldadocunata shina pushamurca.

HECHOS 13:17

Ñucanchic israelcunataca Diosmi ñaupa taitacunamanta pacha acllarca. Chashnami Egipto llactapi pozashpalla causacucpipish, ashtahuan mirachirca. Chai quipami, paipac poderhuan chai llactamanta llucchirca.

DEUTERONOMIO 16:1

Mandac Diosca Egipto llactamantaca Abib quilla, shuc tutami cancunata llucchimurca. Chaimanta Abib quilla chayamucpica, Mandac Diosta yuyarishpa, Pascua fiestata ruhuanguichic.

DEUTERONOMIO 4:37

Paica cancunapac ñaupa taitacunata cuyashpami, paicunapac huahua huahuacunataca acllarca. Paimi Egiptomantaca paipac poderhuan llucchimurca.

JOSUÉ 24:5

Ñucaca Moisesta, Aaronta cachashpami, Egiptopi causaccunata yallita llaquichishca quipa cancunataca llucchircani.

SAN JUDAS 1:5

Cancuna ña yachashca cacpipish, Mandac Diosca israelcunata Egipto llactamanta llucchishca quipa, Paita mana criccunata chingachishcatami yuyachisha nini.