ÉXODO 12:37 - Dios Rimashcata Quillcashcami

³⁷ Israelcunaca Ramesesmantaca Sucotmanmi llucshirca. Paicunapac huahuacunata mana yupashpa, chaquillahuan riccunallami sucta patsac huaranga carca.

ÉXODO 12:37 Iomraidhean Croise

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 15:5

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

GÉNESIS 46:3

Chashna nicpimi Diosca: —Ñucaca Diosmi cani, cambac taitapac Diosmi cani. Egipto llactapimi cambac huahua huahuacunamantaca jatun llactata ruhuasha. Chaimanta ama manchashpa, chaiman rilla.

GÉNESIS 47:11

Chashnami Joseca paipac taitamanpish, huauquicunamanpish Faraón mandashca shina, Egipto llactapi tiyac Ramesés llactapi tucuimanta yalli alli allpata curca.

ÉXODO 1:11

Chaimantami paicunataca sinchita trabajachishpa llaquichichun, mandaccunata churarca. Shinami paicunaca sinchita trabajachishpa Pitón, Ramesés llactacunata shayachirca. Chai llactacunapimi Faraonca granota tandachirca.

ÉXODO 10:9

Shina nicpimi Moisesca: —Ñucanchic Mandac Diosta cushichina jatun fiesta cashcamantaca huahuacunandi, yuyaccunandi, churicunandi, ushicunandimi rina canchic. Shinallatac ovejacunatapish, vacacunatapish tucuimi apana canchic— nirca.

ÉXODO 13:20

Sucotmanta israelcuna llucshishpaca, shitashca pamba cuchupi cac Etampimi saquirirca.

ÉXODO 38:26

Ishcai chunga huatamanta callarishpa, paicunapac shuticunata quillcashcaca sucta patsac quimsa huaranga pichca patsac pichca chunga gentemi carca. Tucui paicunami carpa huasipi pezashca shinallatac pichca gramo chaupi cullquita curca.

NÚMEROS 1:2

«Tucui israelcuna mashna tiyashcata yachangapacca ailluta, huasi ucupurata catishpa, tucui caricunata yupai.

NÚMEROS 1:46

Tucui yupashcaca sucta patsac quimsa huaranga pichca patsac pichca chungami carca.

NÚMEROS 11:21

Shina nicpimi Moisesca: —Ñucahuan chaquillahuan shamuc israelcunaca sucta patsac huarangami. ¿Chai tucui cashca jahuachu canca quillacamanmi aichata caragringui?

NÚMEROS 2:32

Huasi ucupurata catishpa, tucui israelcunata yupashcaca sucta patsac quimsa chunga huaranga pichca patsac pichca chunga soldadomi carca.

NÚMEROS 26:51

Tucui israelcunata yupacpica, sucta patsac shuc huaranga canchis patsac quimsa chungami carca.

NÚMEROS 33:3

Israelcunaca Ramesesmantaca punta quilla, chunga pichca punzhapimi llucshirca. Chaica Pascua micuita micushca cayandi punzhami carca. Chai punzhami paicunaca Egipto runacuna ricucucpi, mana manchashpa llucshirca.

NÚMEROS 33:5

Israelcunaca Ramesesmanta llucshishpaca, Sucotpimi carpa huasita shayachishpa tiyarirca.