ÉXODO 12:21 - Dios Rimashcata Quillcashcami

²¹ Moisés tucui israelcunata pushac yuyaccunata tandachishpaca: —Cancunapac huasi familiahuan Pascua fiestata ruhuashpa micungapac, shuc maltón ovejata apamushpa huañuchichic.

ÉXODO 12:21 Iomraidhean Croise

2 REYES 23:21

Chai quipa jatun mandac Josías tucui gentecunata mandashpaca: «Ari ninacushpa cai libropi quillcashca shinallatac, cancunata Mandac Diosman Pascua jatun micui punzhata ruhuaichic» nirca.

ESDRAS 6:20

Curacunapish, levitacunapish shuc shinalla tucushpami tucui mashna chuyanlla tucurcacuna. Chashna tucushpami prezu apacpi cutimushcacunamanta, paicunapac huauqui curacunamanta, paicunallamantatac Diosman animalcunata cushpa, Pascua fiestata ruhuarca.

ÉXODO 12:11

Cancunaca chai aichataca alli chumbillishpa, chaquipipish ushutata churarishpa, shinallatac tauna caspita maquipi apashpami, utcashpa micuna canguichic. Chai tutaca Mandac Dios ñucapac Pascuami canga.

ÉXODO 12:20

Imatapish levadurahuanca ama micunguichicchu. Maipi causashpapish levadura illac tandata micunguichic” ningui— nirca.

ÉXODO 12:3

Tucui tandanacushca israelcunataca: “Cai quilla chunga punzhapica, tucui huasi familiacuna shuc maltón ovejata japichic.

ÉXODO 17:5

Chashna nicpimi, Mandac Diosca Moisestaca: —Israelcunapac ladota pasashpa, paicunata pushaccunata pushashpa, Nilo yacupi huactashca varahuan ñaupai.

ÉXODO 19:7

Shina nicpimi, Moisés shamushpaca, israelcunata pushac yuyaccunata cayashpa, Mandac Dios mandashcacunata paicunapac ñaupapi huillarca.

ÉXODO 3:16

Can rishpa, israelcunata pushac yuyaccunata tandachishpaca: “Cancunapac ñaupa taita Abrahampac, Isaacpac, Jacobopac Diosmi ñucaman ricurishpa: ‘Ñucami ricuc shamurcani. Egiptopi ima shina llaquichicushcata ricurcanitacmi.

NÚMEROS 11:16

Shina nicpimi, Mandac Diosca Moisestaca: —Israelcunata pushac yuyacpuramanta canchis chunga runacunata acllai. Paicunaca israelcunata pushac yuyaccunami cana can. Paicunata ñucahuan tupana huasi yaicunaman pushashpa, chaipi shuyangui.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

HEBREOS 11:28

Crishcamantami Moisesca Pascuata ruhuashpa, israelcunapac punta huahuacunata ángel ama huañuchichun, tucui pungucunapi yahuarhuan cahuirca.

JOSUÉ 5:10

Israelcunaca Gilgalpi carpacunata shayachishpa tiyacushpami punta quilla, chunga chuscu punzha chishi Jericó pueblo pambapi Pascua fiestata ruhuashpa, cushicushpa micurca.