ÉXODO 12:19 - Dios Rimashcata Quillcashcami

¹⁹ Canchis punzhacamanmi cancunapac huasipica levaduraca mana tiyana can. Maijanpish micunata levadurahuan micucpica, cancunapura cacpipish, shuctac llactamanta shamushca cacpipish, israelpuramanta anchuchishcami canga.

ÉXODO 12:19 Iomraidhean Croise

ÉXODO 12:15

Canchis punzhatami levadura illac tandata micuna canguichic. Chai callari punzhapica huasipica ima levadurata mana charinachu canguichic. Maijanpish chai callari punzhamanta tucuri punzhacaman levadurahuan micucca israelpuramanta anchuchishcami canga.

ÉXODO 12:20

Imatapish levadurahuanca ama micunguichicchu. Maipi causashpapish levadura illac tandata micunguichic” ningui— nirca.

ÉXODO 12:43

Mandac Dios Moisestapish, Aarontapish rimashpaca: —Pascua punzhataca cashnami ruhuana canguichic. Pascua micuitaca shuctac llactamanta caccunaca mana micunachu can.

ÉXODO 12:48

Maijanpish shuctac llactamanta shamushpa, cancunahuan causacushpa, Mandac Diospac Pascua micuita micusha nishpaca, tucui caricunami circuncisionta ruhuana can. Chai quipami israelcunapura tucushpa, Pascua micuita micunga. Maijanpish mana circuncisionta ruhuashca cashpaca, mana micunachu can.

ÉXODO 13:3

Shina nicpimi, Moisesca israelcunataca: —Egiptopi huatashca shina causacushcamanta Mandac Dios llucchishca punzhata yuyaringuichic. Chai llactamantaca paipac poderhuanmi llucchirca. Chaimanta chaita yuyarishpa, levadura illac tandata micunguichic.

ÉXODO 13:7

Canchis punzhatami levadura illac tandata micunguichic. Imatapish ama levadurahuan micunguichicchu. Tucui Israel llactapimi levaduraca mana tiyana can.

ÉXODO 23:15

Levadura illac tandata micuna fiestata ruhuangui. Ñuca mandashca shina Abib quillapica levadura illac tandataca canchis punzhacunata micungui. Chai quillapimi Egiptomanta llucshircangui. Pipish ñucapac ñaupamanca mana chushac maquilla shamungachu.

ÉXODO 30:33

Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.

ÉXODO 34:18

Levadura illac tandata micuna fiestata huacaichingui. Chaita ruhuashpaca, ñuca mandashca shinallatac levadura illac tandata canchis punzhacaman micungui. Abib quillapimi Egiptomantaca llucshircangui.

LEVÍTICO 23:5

Callari quilla, chunga chuscu punzha chishica Mandac Dios ñucapac Pascua punzhami canga.

NÚMEROS 9:13

Maijan manapish mapa cashpa, manapish caru llactapi cashpa Pascua micuita mana ruhuacca israelpuramanta anchuchishcami canga. Mandac Dios ñuca mandashca punzhapi ofrendata mana cushcamantami llaquichishca canga.

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.