ÉXODO 12:16 - Dios Rimashcata Quillcashcami

¹⁶ Callari punzhapish, tucuri punzhapish Mandac Diospaclla tandanacuitami ruhuana canguichic. Chai punzhapica mana trabajanachu canguichic. Micunallatami ruhuana canguichic.

ÉXODO 12:16 Iomraidhean Croise

ÉXODO 16:23

Shina huillacpimi Moisesca: —Mandac Diosca: “Cayaca Mandac Dios ñucapaclla chicanyachishca samana punzhami. Cusana tiyacpica, cunanllatac cusaichic. Imapish puchushcataca cayandipac huacaichichiclla” ninmi— nirca.

ÉXODO 16:29

Riquichic, samana punzhataca ñuca Mandac Diosmi curcani. Chaimantami suctaniqui punzhapica ishcai punzhapac micunata curcani. Canchisniqui punzhapica pipish huasimanta mana llucshishpami, maipi tiyacushcallapitac saquirina canguichic— nirca.

ÉXODO 16:5

Ashtahuanpish suctaniqui punzhapica, punzha pallanamanta chaupi yallitami pallana can— nirca.

ÉXODO 20:10

Ashtahuanpish canchisniqui punzhaca Mandac Dios ñucapaclla chicanyachishca punzhami. Chai punzhapica canpish, cambac churicunapish, cambac ushicunapish, canta servic caricunapish, servic huarmicunapish, cambac animalcunapish, shuctac llactamanta shamushpa, canhuan causaccunapish ama imata ruhuanguichicchu.

ÉXODO 34:18

Levadura illac tandata micuna fiestata huacaichingui. Chaita ruhuashpaca, ñuca mandashca shinallatac levadura illac tandata canchis punzhacaman micungui. Abib quillapimi Egiptomantaca llucshircangui.

ISAÍAS 1:13

Ama ashtahuan yanga ofrendacunata cuichicchu. Inciensota rupachishcatapish, llullu quillapi, samana punzhapi cancuna tandanacushcatapish ñucaca millanimi. ¡Cancunapac jatun fiestacunataca mana ricunayanchu!

LEVÍTICO 23:21

Chai punzhallapitacmi ñucapaclla chicanyachishca tandanacuiman cayana canguichic. Chai punzhapica ima trabajota ama ruhuanguichicchu. Cai mandashcacunaca cancunapac huahua huahuacuna maipi causashpapish huiñaita pactachichun mandashcami can.

LEVÍTICO 23:27

«Canchis quilla, chunga punzhaca juchata pichana punzhami canga. Chai punzhaca ñucapaclla chicanyachishca tandanacuita ruhuanguichic. Chai punzhapica cumurishpami, Mandac Dios ñucaman ofrendata cushpa, rupachina canguichic.

LEVÍTICO 23:35

Chai callari punzhapica Mandac Dios ñucapaclla chicanyachishca tandanacuna punzhami canga. Chai punzhapica ima trabajota ama ruhuanguichicchu.

NÚMEROS 28:18

Chai callari punzhaca ñucapaclla tandanacuita ruhuashpami, ima trabajotapish mana ruhuana canguichic.

NÚMEROS 28:25

Canchisniqui punzhapica ñucapaclla tandanacuita ruhuanguichic. Chai punzhapica ama imata ruhuanguichicchu.

NÚMEROS 28:26

Pentecostés punzhapi, punta pucushca granota ñucaman cuna punzhapica, Diospaclla tandanacuita ruhuanguichic. Chai punzhapica ama imata ruhuanguichicchu.

NÚMEROS 29:1

Canchisniqui quilla, callari punzhapica ñucapaclla tandanacuita ruhuashpa, ama ima trabajota ruhuanguichicchu. Chai punzhaca trompetapi sinchita tocana punzhami canga.

NÚMEROS 29:12

Canchis quilla chunga pichca punzhapica ñucapaclla tandanacuita ruhuanguichic. Canchis punzhata Mandac Dios ñucapac fiestata ruhuashpa, ama ima trabajota ruhuanguichicchu.

SAN JUAN 19:31

Chai punzhaca Pascua fiestapac allichina punzhami carca. Chaimantami israelcunaca samana punzhapi huañushcacuna cruzpi cainachun mana munarcacuna. Chai punzhaca israelcunamanca jatun punzhami carca. Chaimantami chacatashcacunapac changacunata paquishpa, chaimanta anchuchichun Pilatota mañarca.

DEUTERONOMIO 16:8

Sucta punzhata levadura illac tandata micunguichic. Canchisniqui punzhaca Mandac Diospaclla chicanyachishca punzhami canga. Chai punzhapica ama trabajanguichicchu.