ÉXODO 12:15 - Dios Rimashcata Quillcashcami

¹⁵ Canchis punzhatami levadura illac tandata micuna canguichic. Chai callari punzhapica huasipica ima levadurata mana charinachu canguichic. Maijanpish chai callari punzhamanta tucuri punzhacaman levadurahuan micucca israelpuramanta anchuchishcami canga.

ÉXODO 12:15 Iomraidhean Croise

GÉNESIS 17:14

Cancunapurapi maijan cari pai charishca asha carata pitishpa, circuncisionta mana ruhuashca cacpica, ñucahuan ari nishcata mana cazushcamantami cancunapuramanta anchuchishca canga— nirca.

2 CRÓNICAS 30:21

Shinami Jerusalenpi tandanacushca israelcunaca levadura illac tandata micuna punzhapica yallita cushicushpa, canchis punzhacaman jatun fiestata ruhuarca. Levitacunapish, curacunapish Mandac Diosman ruhuashca tocanacunapi tocashpami punzhanta Mandac Diosta alli nicurcacuna.

ESDRAS 6:22

Levadura illac tandata micuna jatun fiestataca canchis punzhatami yallita cushicushpa ruhuarcacuna. Mandac Dios paicunata cushichishcamanta, Asiria llactata jatun mandacta, Diosllatac yuyaita cushpa israelcunapac Diospac huasita ruhuanata mana jarcashcamantami chashna cushicurca.

ÉXODO 12:8

Chai tutallatac chai aichataca ninapi cusashpa, levadura illac tandahuan, jayac quihuahuan micunguichic.

ÉXODO 13:3

Shina nicpimi, Moisesca israelcunataca: —Egiptopi huatashca shina causacushcamanta Mandac Dios llucchishca punzhata yuyaringuichic. Chai llactamantaca paipac poderhuanmi llucchirca. Chaimanta chaita yuyarishpa, levadura illac tandata micunguichic.

ÉXODO 23:15

Levadura illac tandata micuna fiestata ruhuangui. Ñuca mandashca shina Abib quillapica levadura illac tandataca canchis punzhacunata micungui. Chai quillapimi Egiptomanta llucshircangui. Pipish ñucapac ñaupamanca mana chushac maquilla shamungachu.

ÉXODO 30:33

Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.

ÉXODO 30:38

Maijanpish shuctac cai shina inciensota ruhuashpa, mutquicca israelcunapuramanta anchuchishcami canga» nirca.

ÉXODO 31:14

Chai punzhaca cancunapac jatun punzhami. Chaimantami huacaichina canguichic. Maijanpish chaita mana cazucca huañuchishcami canga. Chai punzhapi trabajacca israelpuramanta anchuchishcami canga.

ÉXODO 34:18

Levadura illac tandata micuna fiestata huacaichingui. Chaita ruhuashpaca, ñuca mandashca shinallatac levadura illac tandata canchis punzhacaman micungui. Abib quillapimi Egiptomantaca llucshircangui.

ÉXODO 34:25

Ñucaman cushpa huañuchishca animal yahuartaca ama levadurahuan ruhuashca tandahuan cunguichu. Pascua fiestapi huañuchishca puchu animal aichatapish cayapacca ama huacaichinguichu.

LEVÍTICO 17:10

Israelcunapuramanta, mana cashpaca shuctac llactamanta cancunapurapi causacpuramanta yahuarta micucpica, mana ricunayachishpami israelcunapuramanta anchuchisha.

LEVÍTICO 17:14

Causaiyucca yahuarmantami causan. Chaimantami ñucaca israelcunata: Causaiyuccunaca yahuarmantami causan. Chaimanta ima animal yahuartaca ama micunguichic. Maijanpish yahuarta micucca israelcunapuramanta anchuchishcami canga” nircani.

MALAQUÍAS 2:12

Mandac Dios chashna ruhuac runacunataca pipish cachun, Jacobopac aillumanta anchuchichun. Tapushcata cutichic runatapish, tucuita Mandac Diosman ofrendata apamuc runatapish anchuchichun.

NÚMEROS 28:17

Cutin chunga pichca punzhaca jatun fiestami. Chai punzhacunapica canchis punzhatami levadura illac tandata micuna canguichic.

NÚMEROS 9:13

Maijan manapish mapa cashpa, manapish caru llactapi cashpa Pascua micuita mana ruhuacca israelpuramanta anchuchishcami canga. Mandac Dios ñuca mandashca punzhapi ofrendata mana cushcamantami llaquichishca canga.

SAN MATEO 16:12

Jesús chashna nicpimi, yachacuccunaca mana tandapi churana levaduramanta nicushcata, ashtahuanpish fariseocunapac, saduceocunapac yachachishcamanta cuidarinamanta yachac chayarcacuna.

SAN LUCAS 12:1

Huaranga huaranga gentecuna ñitirinacushpa shamucpimi, Jesusca paipac yachacuccunataca: —Fariseocunapac levaduramanta cuidaringuichic. Paicunaca mishqui shimi, jayac shungucunami.

SAN LUCAS 2:43

Fiesta tucuricpi, taita mama huasiman cuticpica, Jesusca Jerusalenpimi saquirishca carca. Chaitaca Josepish, Mariapish mana yacharcachu.

HECHOS 12:3

Chashna ruhuashca israelcunaman alli ricuricpimi, Pedrotapish japichirca. Chai punzhacunaca, levadura illac tandata micuna fiestami carca.

GÁLATAS 5:12

“Circuncisionta ruhuanaca allimi” nishpa pandachishpa puriccunataca, ¡paicunapactarac tucui pitishpachari alli canman ninimi!

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.

DEUTERONOMIO 16:5

Mandac Dios cushca llactapi cashpaca, ama maipipish animalta huañuchinguichicchu.

DEUTERONOMIO 16:8

Sucta punzhata levadura illac tandata micunguichic. Canchisniqui punzhaca Mandac Diospaclla chicanyachishca punzhami canga. Chai punzhapica ama trabajanguichicchu.