ÉXODO 12:11 - Dios Rimashcata Quillcashcami

¹¹ Cancunaca chai aichataca alli chumbillishpa, chaquipipish ushutata churarishpa, shinallatac tauna caspita maquipi apashpami, utcashpa micuna canguichic. Chai tutaca Mandac Dios ñucapac Pascuami canga.

ÉXODO 12:11 Iomraidhean Croise

2 REYES 23:21

Chai quipa jatun mandac Josías tucui gentecunata mandashpaca: «Ari ninacushpa cai libropi quillcashca shinallatac, cancunata Mandac Diosman Pascua jatun micui punzhata ruhuaichic» nirca.

ÉXODO 12:13

Cancuna causacuc huasicunaca yahuarhuan cahuishpa señalashcami canga. Chaita ricushpaca, cancunapac huasita pasashallami. Egipto llactapi causaccunata huañuchishpapish cancunataca mana llaquichishachu.

ÉXODO 12:21

Moisés tucui israelcunata pushac yuyaccunata tandachishpaca: —Cancunapac huasi familiahuan Pascua fiestata ruhuashpa micungapac, shuc maltón ovejata apamushpa huañuchichic.

ÉXODO 12:27

“Mandac Dios Egipto runacunata huañuchicushpaca, israelcunapac huasicunamanca mana yaicushpami pasarcalla. Shina mana huañuchishpa, ñucanchicta quishpichishcamantami Pascua fiestata ruhuanchic” ninguichic— nirca. Cai nishcacunata yuyarishpami, israelcunaca Mandac Diosta allimari cangui nishpa cumurirca.

ÉXODO 12:43

Mandac Dios Moisestapish, Aarontapish rimashpaca: —Pascua punzhataca cashnami ruhuana canguichic. Pascua micuitaca shuctac llactamanta caccunaca mana micunachu can.

ISAÍAS 52:12

Chai llactamantaca mana miticushpachu llucshinguichic, shinallatac mana callpashpachu llucshinguichicchu. Chaica, Mandac Diosmi cancunapac ñaupata ringa. Israelcunapac Diosmi cancunapac huashata ringa.

EZEQUIEL 45:21

Huata callari quilla, chunga chuscu punzhapica Pascua fiestatami ruhuashpa, canchis punzhata levadura illac tandata micunguichic.

LEVÍTICO 23:5

Callari quilla, chunga chuscu punzha chishica Mandac Dios ñucapac Pascua punzhami canga.

NÚMEROS 28:16

Huata callari punta quilla chunga chuscu punzhaca Mandac Dios ñucapac Pascua punzhami canga.

NÚMEROS 9:1

Israelcuna Egipto llactamanta llucshishca huata callari quillapi, Sinaí shitashca pambapi Mandac Dios Moisesta rimashpaca:

SAN LUCAS 12:35

Cancunaca churanatapish ña churarishca, mechata japichishpa shuyacuc shina chaparacuichic.

SAN LUCAS 15:22

Ashtahuanpish taitaca paipac serviccunataca: “Ashtahuan sumac churanata apamushpa churachichic. Maqui dedopica sortejasta, chaquipica ushutata churachichic.

SAN LUCAS 2:41

Jesuspac taita mamaca huatantami Pascua fiestapica Jerusalenman ric carca.

SAN LUCAS 7:38

Chashnami Jesuspac huashata shamushpa, cungurishpa, huacashca huiquihuan chaquita jucuchirca. Chaimantaca acchahuan chaquichishpami, chaquipi mucharca. Shinallatac pai apamushca mishquilla ashnacuctami Jesuspac chaquipi churarca.

1 CORINTIOS 5:7

Pascua punzhapi levadura illac, cunanlla ruhuashca tanda shina cangapacca, mana alli levadurataca shitanami, canguichic. Chashna cachunmi, Pascua punzhapi Diosman cushpa, pactalla ovejata huañuchishca shina Apunchic Jesucristoca ñucanchicmanta huañurca.

EFESIOS 6:15

Sumac causaita cuc alli huillaita huillangapacca, ushutata churarishca shina caichic.

DEUTERONOMIO 16:1

Mandac Diosca Egipto llactamantaca Abib quilla, shuc tutami cancunata llucchimurca. Chaimanta Abib quilla chayamucpica, Mandac Diosta yuyarishpa, Pascua fiestata ruhuanguichic.

JOSUÉ 5:10

Israelcunaca Gilgalpi carpacunata shayachishpa tiyacushpami punta quilla, chunga chuscu punzha chishi Jericó pueblo pambapi Pascua fiestata ruhuashpa, cushicushpa micurca.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.